19ویں صدی کے بعد آنے والا بدترین بحران، روٹی 30ہزار پاؤنڈ میں بکنے لگی
مانیٹرنگ ڈیسک/ جی بی خان : 19ویں صدی کے
معاشی بحران کے شکار لبنان میں شہری ایک وقت کی روٹی خریدنے کیلئے قطاروں میں کھڑے ہوکر طویل انتظار
کی اذیت سے گزر رہے ہیں۔
پانچ میں سے چار لبنانی شہری خط غربت سے نیچے زندگی گزار رہے ہیں، اقوام متحدہ
2020 میں قومی قرضے کے باعث دیوالیہ ہوجانے والے لبنان کی کرنسی کی قدر 90 فیصد تک گر چکی ہے۔
میڈیا رپورٹس کے مطابق ایک دور تھا جب لبنان کو مشرق وسطی کا سو ئٹزر لینڈ کہا جاتا تھا مگر 2019 سے
معاشی بحران میں گھِر جانے کے بعد ا ب شہری مناسب خوراک نہ ملنے کی شکایت کرتے ہیں ۔ ورلڈ بینک نے
لبنان کے معاشی بحران کو 19 ویں صدی کے بعد آنے والا بدترین بحران قرار دیا جبکہ اقو ام متحدہ کے مطابق
پانچ میں سے چار لبنانی شہری خط غربت سے نیچے زندگی گزار رہے ہیں۔
بیکری مالکان کی جانب سے گندم کی ذخیرہ اندوزی کے باعث شہریوں کو مشکلات کا سامنا ہے
بین الاقوامی قرض دہندگان کی جانب سے نئی امداد کے اجرا سے قبل معاشی اصلاحات کا مطالبہ کیا گیا جسکی وجہ سے
مشکلات کی شکار حکومت زیادہ تر ضروری اشیا پر سبسڈی ختم کرنے پر مجبور ہو گئی تاہم گندم ابھی تک شہریوں کو کم
نرخ پر فراہم کی جا رہی ہے۔ کم قیمت بریڈ اور روٹی کے نرخ بھی بڑھ گئے ہیں اور اگر ان پر سے سبسڈی ختم کی گئی تومزید
مہنگائی کا خدشہ ہے
لبنان میں روٹی کے ایک پیکٹ کی سرکاری قیمت 13 ہزار لبنانی پاﺅنڈ مقرر ہے جبکہ یہ بلیک مارکیٹ میں
30 ہزار لبنانی پاﺅنڈ کا مل رہا ہے۔ شہری کبھی کبھی اتنی مہنگی روٹی خریدنے کی استطاعت بھی نہیں رکھتے
اس پر انہیں روٹی خریدنے کے لیے گھنٹوں قطار میں کھڑے رہنے کی اذیت سہنا پڑتی ہے۔ بعض اوقات جب ان
کی باری آتی ہے تو بیکریوں میں روٹی ختم ہو چکی ہوتی ہے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں، مزید بہتری کیلئے اپنی قیمتی آرا سے بھی ضرور نوازیں،شکریہ جتن نیوز اردو انتظامیہ
19ویں صدی کے بعد
= پڑھیں = دنیا بھر سے مزید تازہ ترین اور اہم خبریں
