یوکرین میں پوتن کی فتح المیہ ہوگا، نیٹو
جنیوا (جے ٹی این پی کے) یوکرین میں پوتن کی فتح المیہ
نیٹو کے سیکرٹری جنرل جینز اسٹولٹن برگ نے زور دیکر کہا ہے کہ ماسکو کا یوکرینی زمینوں کو ضم کرنے کا فیصلہ دوسری جنگ عظیم کے بعد سب سے خطرناک پیش رفت ہے۔
غیر ملکی میڈیا کے مطابق نیٹو نے اس بات پر زور دیا کہ روسی صدر ولادیمیر پوتین کو یوکرین میں جیتنے دینا تباہ کن ہوگا۔
انہوں نے گزشتہ روز ایک تقریر میں کہا کہ اتحاد میں یوکرین کی رکنیت تمام اراکین کی متفقہ ہونی چاہیے،
روس کی جانب سے اس کی زمینوں پر قبضے کے بعد کیف کی حمایت جاری رکھنے پر زور دیا۔
الحاق کے فیصلے کے بارے میں انہوں نے وضاحت کی کہ روس کا یہ فیصلہ دوسری جنگ عظیم کے بعد یورپی سرزمینوں کا سب سے بڑا الحاق ہے۔
انہوں نے نشاندہی کی کہ2014میں جزیرہ نما کریمیا کے الحاق کے حوالے سے ماسکو دوسری مرتبہ طاقت کے ذریعے یوکرین کی زمینوں پر قبضہ کر رہا ہے۔
انہوں نے کہا کہ یوکرینی علاقوں کو ضم کرنے کا پوتین کا فیصلہ ان کی تزویراتی ناکامی کو ظاہر کرتا ہے۔
یہ بھی پڑھیں : ہیکرز کرپٹو کمپنی ‘ہارمونی’ سے 10 کروڑ ڈالر لے اڑے
درایں اثنا ء گروپ آف سیون کے وزرائے خارجہ نے جمعہ کو روس کی طرف سے
یوکرین کے چار علاقوں کے الحاق کے اعلان کی مذمت کی جبکہ ماسکو کیخلاف مزید اقدامات کرنے کا عہد کیا۔
فرانس جرمنی، برطانیہ، یونان اور ہالینڈ نے الگ الگ بیانات میں روسی اقدام کی مذمت کی ۔
لندن نے روسی سفیر کو طلب کیا اور اسے الحاق کے خلاف احتجاجی مراسلہ سونپا ہے۔
اس کے علاوہ امریکی سینیٹ کی کمیٹی برائے خارجہ تعلقات نے اس بات کی تصدیق کی
ہے کہ واشنگٹن کبھی بھی روس کے یوکرینی علاقے کے الحاق کو تسلیم نہیں کریگا۔
گزشتہ روز ایک بیان میں سات ممالک کے گروپ کے وزرائے خارجہ نے زور دیا کہ اس
فورم کے ممالک روس کی جانب سے یوکرین کی زمینوں پر کیے جانے والے ”مبینہ الحاق
کو کبھی تسلیم نہیں کریں گے۔
وزرا خارجہ نے کہا کہ ہم متفقہ طور پر یوکرین کیخلاف روس کی جارحانہ جنگ اور
روس کی طرف سے یوکرین کی خودمختاری، علاقائی سالمیت اور آزادی کی مسلسل
خلاف ورزی کی مذمت کرتے ہیں۔
یوکرین میں پوتن کی فتح المیہ
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
