کھیلوں کی دنیا میں پاکستان، بھارت اور ہفتے کا روز
کھیلوں کی دنیا میں پاکستان، بھارت
کھیلوں کی دنیا میں ہفتے کا دن پاکستان اور بھارت کیلئے انتہائی اہم دن تھا، ایک طرف دونوں ممالک کی کرکٹ ٹیموں کے مابین ایشیا کرکٹ کپ کے سلسلے میں سری لنکا میں ٹاکرا تھا تو دوسری جانب دونوں ممالک کی ہاکی ٹیمیں عمان کے شہر صلالہ میں فائیو سائیڈ ایشیا کپ کے فائنل مقابلے میں آمنے سامنے تھیں۔ سری لنکا میں ہوئے کرکٹ میچ کا مزہ بارش نے کرکرا کر دیا اور میچ برابر رہا، تاہم فائیو سائیڈ ایشیا کپ کے سنسنی خیز فائنل میں بھارت نے پاکستان کو پینلٹی شوٹ آٹس کی بنیاد پر شکست دیکر ایونٹ کا اعزاز اپنے نام کر لیا۔
تفصیلات کے مطابق عمان کے شہر صلالہ میں فائیو سائیڈ ایشیا کپ کا فائنل دو روائتی
حریفوں پاکستان اور انڈیا کے مابین کھیلا گیا جو مقررہ وقت 4-4 گول سے برابر رہا۔
میچ کا تعین پینلٹی شوٹ آٹس کے تحت کیا گیا جس میں انڈیا نے پاکستان کو شکست دیدی۔
فائنل میچ کے دوران پاکستان کی جانب سے رانا وحید اشرف، ارشد لیاقت، ذکریا حیات اور
عبدالرحمن، انڈیا کی جانب سے جگ راج سنگھ، منندر سنگھ اور محمد راحیل نے گول سکور کئے۔
فائیو سائیڈ ایشیا کپ میں اہم بات یہ رہی ہے پاکستان کے کپتان رانا عبدالوحید اشرف 27 گول سکور کر کے ایونٹ کے ٹاپ سکورر رہے
پاکستان کے گول کیپر عبداللہ اشتیاق خان کو بہترین گول کیپر کا ایوارڈ دیا گیا۔
پاکستان فائیو سائیڈ ہاکی ٹیم کی کوچنگ کے فرائض ہیڈ کوچ عالمی ہاکی کپ گولڈ میڈلسٹ پرائیڈ آف پرفارمنس اولمپین وسیم فیروز نے سرانجام دیئے۔
ٹیم مینجر میجر( ر) محمد شاہنواز خان نے اپنی پیشہ ورانہ ذمہ داریاں سرانجام دی۔
پاکستان فائیو سائیڈ ہاکی ٹیم میں گول کیپرز عبداللہ اشتیاق خان، علی رضا، ڈیفینڈر میں محمد عبداللہ،
مڈ فیلڈز میں احتشام اسلم، محمد مرتضی یعقوب، سٹرائکرز میں ارشد لیاقت، ذکریا حیات،
رانا عبدالوحید اشرف، عبدالرحمن اور عبدالوہاب شامل تھے۔
فائیو سائیڈ ایشیا کپ میں 11 ٹیموں نے شرکت کی جس میں پاکستان، انڈیا، افغانستان، انڈونیشیا،
ایران، جاپان، بنگلہ دیش، ہانگ کانگ چائینہ، قازقستان، ملائیشیا اور میزبان ملک عمان شامل تھیں۔
ادھر سری لنکا کے شہر پالی کیلے کے سٹیڈیم میں ایشیا کپ کے ہائی وولٹیج میچ میں بھارت
نے پہلے کھیلتے ہوئے پاکستان کو 267 رنز کا ہدف دیا، تاہم بارش کے باعث میچ بے نتیجہ
ختم ہو گیا اور دونوں ٹیموں کو ایک ایک پوائنٹ مل گیا، میچ میں توجہ طلب بات یہ رہی کہ
پاکستانی ٹیم کے باﺅلر نے بھارتی بلے بازوں کی ایک نہ چلنے دی، 66 رنز پر چار بھارتی
بلے باز پویلین جا پہنچے، ایشان کشن اور ہردک پانڈیا نے ٹیم کو سہارا دیا تاہم پوری ٹیم 49
ویں اوورز میں 266 رنز پر ڈھیر ہو گئی، پاکستان کی جانب سے شاہین شاہ آفریدی نے 4
جبکہ حارث رف اور نسیم شاہ نے تین، تین وکٹیں حاصل کیں۔
ایشیا کرکٹ کپ کے اس اہم میچ میں بھارت نے پاکستان کیخلاف ٹاس جیت کر بیٹنگ کا فیصلہ کیا۔
پاکستان کی جانب سے باﺅلنگ کا آغاز شاہین شاہ آفریدی نے کیا۔
ابتدائی اوورز میں بھارتی بلے بازوں نے پراعتماد انداز میں آغاز کرتے ہوئے چار اوورز میں کوئی وکٹ نہ گرنے دی۔
تاہم اس موقع پر میچ میں بارش نے مداخلت کر دی جس کے سبب آدھے گھنٹے سے زائد تک کھیلا رکا رہا۔
میچ دوبارہ شروع ہوا تو شاہین شاہ آفریدی زیادہ بہتر ردھم میں نظر آئے۔
تیسری ہی گیند پر شاہین نے بھارتی کپتان روہت شرما کو بولڈ کر دیا۔
شاہین آفریدی نے نپی تلی بالنگ کا سلسلہ جاری رکھا اور اپنے اگلے اوور کی تیسری گیند پر ویرات کوہلی کی وکٹیں بکھیر دیں۔
حارث رﺅف باﺅلنگ کرانے آئے تو شریاس آئیر نے ان کا استقبال دو چکے لگا کر کیا۔
تاہم اگلے اوور میں فاسٹ بالر نے اس کا بدلہ انہیں پویلین رخصت کر کے کیا۔
یوں بھارتی ٹیم 10 اوورز میں 48 رنز پر 3 وکٹیں گنوا بیٹھی۔
شبمن گل پوری اننگز کے دوران جدوجہد کرتے نظر آئے، بالآخر انکی 32 گیندوں پر
10 رنز کی اننگز حارث رﺅف کے ہاتھوں ہی ختم ہوئی اور یوں بھارت کو 66 رنز پر چوتھا نقصان پہنچا۔
نوجوان بلے باز ایشان کشن نے ذمہ دارانہ بیٹنگ کا مظاہرہ کرتے ہوئے 54 گیندوں پر نصف سنچری مکمل کی،
ان کی اننگز میں 7 چوکے اور ایک چھکا شامل تھا۔
بھارت کے دونوں بیٹر ہردک پانڈیا اور ایشان نے دباﺅ میں عمدہ کھیل پیش کیا
پانچویں وکٹ کیلئے 138 رنز کی شاندار شراکت قائم کی، لیکن حارث رﺅف نے
ایک مرتبہ پھر ٹیم کو اہم کامیابی دلاتے ہوئے ایشان کشن کو چلتا کر دیا جنہوں نے
آﺅٹ ہونے سے قبل 82 رنز کی اننگز کھیلی۔ ہردک پانڈیا نے دوسرے اینڈ سے دھواں
دھار بیٹنگ جاری رکھی اور حارث رف کو ایک اوور میں تین چوکے لگائے جس
سے ایسا محسوس ہونے لگا کہ وہ اپنے ون ڈے کیریئر کی پہلی سنچری بنانے میں
کامیاب رہیں گے، تاہم شاہین شاہ آفریدی نے 87 رنز پر ان کی اننگز کے آگے فل اسٹاپ لگا دیا۔
روایندرا جدیجا سے بھی ساتھی کھلاڑی کی جدائی برداشت نہ ہو سکی اور وہ بھی صرف 14 رنز بنا کر چلتے بنے۔
اگلے اوور کی پہلی ہی گیند پر نسیم شاہ نے شردل ٹھاکر کا بھی کام تمام کر دیا۔
کلدیپ یادو اور جسپریت بمراہ نے سکور کو 261 تک پہنچایا لیکن اسی اسکور پر اسپنر وکٹ کیپر کو کیچ دے پویلین لوٹ گئے۔
بمراہ نے نسیم شاہ کو چوکا لگایا اور اگلی گیند پر چھکا لگانے کی کوشش میں وہ بانڈری پر کیچ دے بیٹھے۔
بھارت کی پوری ٹیم 266 رنز بنا کر آﺅٹ ہو گئی،
پاکستان کی جانب سے شاہین شاہ آفریدی نے 4 جبکہ حارث رف اور نسیم شاہ نے تین، تین وکٹیں حاصل کیں۔
بھارت کی اننگز کے اختتام کیساتھ ہی بارش نے میچ میں مداخلت کر دی
اور گراﺅنڈ گیلا ہونے کی وجہ سے میچ کافی دیر تک تاخیر کا شکار رہا۔
امپائرز نے کئی مرتبہ گراونڈ کا معائنہ کیا، بالآخر مسلسل بارش اور گیلی
آﺅٹ فیلڈ کے باعث امپائرز نے دونوں کپتانوں کی باہمی رضامندی سے میچ ختم کرنے کا فیصلہ کیا۔
میچ بے نتیجہ ختم ہونے کی وجہ سے دونوں ٹیموں کو ایک، ایک پوائنٹ دیدیا گیا۔
موسم کی پیشگوئی کرنے والی ایجنسی اکیو ویدر نے مقامی وقت کے مطابق سہ پہر 3 بجے
بارش کا 58 فیصد امکان ظاہر کیا، جس کے بعد اگلے 3 گھنٹے شام 6 بجے تک موسم صاف رہا۔
پاکستانی ٹیم میں فخر زمان، امام الحق، بابر اعظم( کپتان)، محمد رضوان، آغا سلمان، افتخار احمد، شاداب خان،
محمد نواز، شاہین آفریدی، نسیم شاہ، حارث رﺅف شامل تھے۔
پاکستان کیخلاف بھارت کی پلیئنگ الیون میں روہت شرما (کپتان)، شبمن گل، ویرات کوہلی، شریاس ایر،
ایشان کشن، ہاردک پانڈیا، رویندرا جدیجا، شاردول ٹھاکر، کلدیپ یادیو، محمد سراج، جسپریت بمرا شامل تھے۔
دوسرا میچ برابر ہونے کی کے باوجود سری لنکا اور پاکستان نے سپر 4 مرحلے کے بھی کوالیفائی کر لیا۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
کھیلوں کی دنیا میں پاکستان، بھارت ، کھیلوں کی دنیا میں پاکستان، بھارت ، کھیلوں کی دنیا میں پاکستان، بھارت ، کھیلوں کی دنیا میں پاکستان، بھارت ، کھیلوں کی دنیا میں پاکستان، بھارت
کھیلوں کی دنیا میں پاکستان، بھارت ، کھیلوں کی دنیا میں پاکستان، بھارت ، کھیلوں کی دنیا میں پاکستان، بھارت
===> دنیا بھر سے کھیل و کھلاڑیوں کی خبریں (== پڑھیں ==)
About Author
