ڈیفالٹ کا کوئی خطرہ نہیں،افواہیں سیاسی مقاصد کیلئے پھیلائی جارہی ہیں، وزیر خزانہ
اسلام آباد (جے ٹی این پی کے) ڈیفالٹ کا کوئی خطرہ نہیں
وفاقی وزیر خزانہ اور سینیٹر اسحاق ڈار نے واضح کیاہے کہ ڈیفالٹ کا خطرہ نہیں، پاکستان ایک ارب ڈالر کے سکوک بانڈ کی ادائیگی وقت پر کریگا خدا کیلئے یہ تماشے بند کریں،
پاکستان نے کبھی ڈیفالٹ نہیں کیا، آنے والے ایک سال میں ہم نے جتنی ادائیگیاں کرنی ہیں، اس کا بھی انتظام ہو چکا ہے،
ملک میں ڈیزل اور پٹرول کی بھی کوئی قلت نہیں ، افواہیں پھیلا کر ملک کو نقصان نہ پہنچایا جائے۔
پریس کانفرنس سے خطاب کرتے ہوئے وزیر خزانہ نے کہاکہ ملک کی معیشت کے بارے میں بے بنیاد اورغیر ذمہ دارانہ افواہیں صرف سیاسی مقاصد کے تحت پھیلائی جارہی ہیں ۔
کہ یہ رویہ ہماری معیشت کیلئے انتہائی نقصان دہ ہے ،
مزید بر آںبین الاقوامی معاشی تعلقات اوررابطوں کو بھی متاثر کرتا ہے.
اس پس منظر میں آپ کو حقائق سے آگاہ کر نا چاہتا ہوں تاکہ تمام خدشات کا ازالہ کیا جاسکے۔
پاکستان اپنی بیرونی ادائیگیوں کیلئے مکمل طورپر اہل ہے اور ہم آئندہ
آنے والی تمام ادائیگیاں بشمول دسمبر 2022یورو بانڈز کو کامیابی سے ادا کرینگے۔
یہ بھی پڑھیں : بجلی کے بلوں میں ہوشربا اضافہ، شہریوں کا احتجاج
اسی طرح پاکستا ن کے کریڈٹ ڈیفالٹ سو اپ کے متعلق چہ میگوئیاں کی جارہی ہیں ۔
پاکستانی یورو بانڈز کالین دین انتہائی کم ہے جس کی وجہ سے
ان ادائیگیوں میں کوئی قابل ذکر رخنہ نہیں ہے ۔
یہ بات اس امر سے بھی عیاں ہے کہ پانچ سالہ پاکستانی کریڈٹ ڈیفالٹ
سواپ مارکیٹ ریٹ کی پاکستانی یورو بانڈز ریٹ سے کوئی مطابقت نہیں۔
ہم نے پاکستان کے بیرونی اکائونٹ خسارہ پر بھی کڑی نظر رکھی ہوئی ہے.
جو جولائی 2022میں 1.2ارب ڈالر کی انتہائی بلند سطح پر تھا.
جبکہ ستمبر 2022میں فقط 316ملین ڈالر پر رہ گیا ۔
یہاں میں یہ ذکر کر نابھی ضروری سمجھتا ہوں کہ ملک میں ڈیزل اور پٹرول کی بھی کوئی قلت نہیں ہے اور اس حوالے سے بھی گمراہ کن خبریں پھلائی جارہی ہیں ۔
میں تمام پاکستانیوں سے پر زور گزارش کرونگا کہ وہ سیاسی وابستگیوں سے بالا تر ہو کر سوچیں اور پاکستان کے وسیع تر مفاد کو ملحوظ خاطر رکھیں ۔
ڈیفالٹ کا کوئی خطرہ نہیں
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
