بین الاقوامیتازہ ترینچین

132مسافروں سے بھرا چینی طیارہ گر کر تباہ

Facebooktwitterpinterestlinkedinrssyoutubetumblrinstagramby feather

بیجنگ (جے ٹی این پی کے) چینی طیارہ گر کر تباہ

جنوبی چین کے علاقے میں ایک مسافر طیارہ جس میں 132 افراد سوار تھے، پیر کوگر کر تباہ ہو گیا۔

علاقائی ایمرجنسی مینجمنٹ ڈیپارٹمنٹ کے مطابق چائنا ایسٹرن ایئر لائنز کا بوئنگ 737 صوبہ یون نان کے شہر کھون منگ سے صوبہ گوانگ دونگ کیشہرگوانگ زو کے لیے اڑا تھا،

تاہم طیارہ ووچو شہر کی کاونٹی ٹینگ شیان کے پہاڑی علاقے میں گر کر تباہ ہو گیا۔

حادثے کے بعد جائے وقوعہ پر آگ لگ گئی۔

چائناسول ایوی ایشن ایڈمنسٹریشن کی ویب سائٹ پر بتایا گیا ہے کہ طیارے میں کل 132 افراد سوار تھے.

جن میں123 مسافر جب کہ 9عملے کے ارکان تھے۔

تاہم ہلاکتوں کے بارے میں تفصیلات ابھی معلوم نہیں ہو سکیں۔

حادثے کے بعد چین کے صدر اور مرکزی فوجی کمیشن کے چیئرمین شی جن پھنگ نے فوری طور پر اہم ہدایات دیں.

اور اس حادثے کے بارے میں کہا کہ چائنا ایسٹرن ایئرلائنز کی پرواز ایم یو5735 کے حادثے کے بارے میں جان کر بے حد صدمہ ہوا ہے۔

فوری طور پر ہنگامی طریقہ کار کو فعال کیا جانا چاہیے،

متاثرہ افراد کی تلاش اور بچاؤکا کام منظم انداز میں کرنے کی ہر ممکن کوشش کی جانی چاہیے۔

انہوں نے کہا کہ جلد از جلد حادثے کی وجوہات معلوم کی جائیں ،

سول ایوی ایشن کے شعبے میں ممکنہ خطرات کی تحقیقات کو مضبوط بنایا جائے،

ذمہ داریوں کی ادائیگی پر بھرپور توجہ دی جائے،

ایوی ایشن آپریشنز کے مکمل تحفظ اور لوگوں کی زندگیوں کی مکمل حفاظت کو یقینی بنایا جائے۔

چینی وزیر اعظم لی کھہ چھیانگ نے بھی اس حوالے سے ہدایات جاری کرتے ہوئے کہا کہ

حادثے میں زندہ بچ جانے والوں کی تلاش کے لیے تمام تر وسائل بروئے کار لائے جائیں ،

حادثے کے اثرات سے مناسب انداز میں نمٹا جائے،

متاثرین کے خاندانوں کو تسلی دینے اور ان کی دیکھ بھال میں کوئی کسر نہ چھوڑی جائے۔

انہوں نے کہا کہ حادثے کی وجوہات کی مکمل تحقیقات کی جائے

اور سول ایوی ایشن سیفٹی مینجمنٹ کو مضبوط بنانے کے لیے موثر اقدامات کیے جائیں۔

چینی طیارہ گر کر تباہ

 

یہ بھی پڑھیں:پاک افغان سرحد پر برفانی تودہ گرنے سے20 افراد جاں بحق

قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،

About Author

Facebooktwitterpinterestlinkedinrssyoutubetumblrinstagramby feather
Facebooktwitterredditpinterestlinkedintumblrmailby feather

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے