پاکستان کی بیٹی نمیرا سلیم 5 اکتوبر کو ناقابل یقین کارنامہ سرانجام دینے کیلئے پُرعزم
اسلام آباد: پاکستان کی بیٹی نمیرا سلیم 5 اکتوبر کو ناقابل یقین کارنامہ سرانجام دینے کیلئے پُرعزم
خلا میں جانے اور وہاں پاکستان کا سبز ہلالی پرچم لہرانے کیلئے 17 سال سے منتظر پاکستان کی چیلنجز سے نبرد آزما رہنے والی ہونہار اور بہادر بیٹی نمیرا سلیم بالآخر 5 اکتوبر کو امریکا سے اسپیس شپ کے ذریعے تاریخی اڑان بھریں گی۔ نمیرا سلیم اس سے قبل سبز ہلالی پرچم قطب شمالی و قطب جنوبی میں بھی لہرا چکی ہیں۔
چیلنجز کے حوالے سے کلکٹر آف فرسٹس کے طور پر جانے جانیوالی نمیرا سلیم امریکا سے
کمرشل اسپیس شپ کے ذریعے خلا کا سفر کریں گی اور پہلی پاکستانی خلا باز کا اعزاز بھی
اپنے نام کریں گی۔ موناکو میں قیام پذیر نمیرا سلیم کو حکومت پاکستان نے 2006 میں پہلی
پاکستانی خلا باز کے طور پر لانچ کیا، جب انہوں نے کمرشل خلائی پرواز کا ٹکٹ خریدا اور
پھر 17 سال اس تاریخی موقع کا انتظار کیا۔ مشکل ترین چیلنجز کا مقابلہ کرنے، کامیابیاں
سمیٹنے اور اعزازات اپنے نام کرنیوالی پاکستان کی پُرعزم بیٹی نمیرا سلیم 5 اکتوبر کو سبز ہلالی پرچم خلا میں لہرائیں گی۔
گزشتہ 25 سال سے گلوبل اسپیس انڈسٹری میں کام کرنے اور نام بنانے والی نمیرا سلیم نے
بچپن سے ستاروں پہ کمند ڈالنے کا خواب دیکھا، جو اب حقیقت میں بدلنے اور مادر وطن کا
نام روشن کرنیوالا ہے۔ کلکٹر آف فرسٹس نمیرا سلیم یہی نہیں 2008 میں مانٹ ایورسٹ پر
اسکائی ڈائیو بھی لگا چکی ہیں۔ 1975 میں پاکستان کے شہر کراچی میں پیدا ہونیوالی نمیرا
سلیم نے ہوفسٹرا یونیورسٹی نیویارک سے بین الاقوامی تجارت میں بیچلرز کیا اور کولمبیا
یونیورسٹی سے بین الاقوامی تعلقات میں ماسٹرز کی ڈگری حاصل کی۔
تعلیم مکمل کرنے کے بعد وہ پاکستان واپس آئیں اور یہاں اقوام متحدہ کے کلچرل ایکسچینج
پروگرام کے تحت بننے والی بین الاقوامی اکنامکس اور بزنس مینجمنٹ ایسوسی ایشن کی
صدر منتخب ہوئیں۔ 1997 میں نمیرا یورپی ملک موناکو منتقل ہو گئیں۔ نمیرا نا صرف ایک
خلا باز ہیں بلکہ وہ ایک فنکارہ بھی ہیں۔ شاعری، مجسمہ نگاری اور موسیقی میں بھی نمیرا
نے کام کر رکھا ہے۔ ان کی پینٹنگز امن جیسے موضوع پر ہوتی ہیں۔ گزشتہ 17 سال سے نمیرا ورجین گروپ کے تعاون سے خلائی سیاحت کے فروغ کیلئے کوشاں ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
پاکستان کی بیٹی نمیرا سلیم
= پڑھیں = پاکستان بھر سے مزید اہم اور تازہ ترین خبریں
About Author
