پاکستان تعلقات مزید مضبوظ بنانے کیلئے پُرعزم، کاکڑ کا افغان ہم منصب کو خط
اسلام آباد: پاکستان تعلقات مزید مضبوظ بنانے کیلئے پُرعزم، کاکڑ کا افغان ہم منصب کو خط
نگراں وزیر اعظم انوار الحق کاکڑ نے کہا ہے کہ پاکستان کے افغانستان سے قریبی برادرانہ تعلقات ہیں، ہم پڑوسی اور بھائی ہیں، نگراں وزیر اعظم انوار الحق کاکڑ نے ان خیالات کا اظہار طالبان وزیر اعظم ملا حسن اخوند کے نام اپنے جوابی خط میں کیا، انہوں کا مزید لکھا کہ پاکستان افغانستان تعلقات کی جڑیں باہمی مذہب، ثقافت اور تاریخ سے جڑی ہیں، دو طرفہ سیاسی، سلامتی اور اقتصادی تعلقات مزید مضبوط بنانے کیلئے پرعزم ہوں۔ علاقائی تجارت اور روابط میں اضافہ پاک افغان عوام کی خوشحالی کیلئے ضروری ہے۔
دونوں ممالک کو مشترکہ مقاصد کیلئے ملکر کام کرنا چاہیے، نگران وزیر اعظم
نگران وزیر اعظم انوار الحق کاکڑ نے کہا کہ ہمیں ملکر دونوں ممالک کے مشترکہ مقاصد کے حصول کیلئے کام کرنا چاہیے۔
افغان میڈیا کے مطابق افغانستان میں پاکستانی سفارتخانے کے اعلی اہلکار نے خط درست ہونے کی تصدیق کی ہے۔
دوسری جانب سفارتی ذرائع نے کہا ہے نگراں وزیر اعظم انوارالحق کاکڑ کے تہنیتی خط
پر افغانستان کے عبوری وزیر اعظم ملا محمد حسن اخوند کے شکریہ ادا کیا ہے۔ یاد رہے
افغان عبوری وزیر اعظم نے انوار الحق کاکڑ کو نگراں وزیر اعظم کا عہدہ سنبھالنے پر مبارکباد کا خط لکھا تھا۔
نگران وزیر اعظم پانچ روزہ دورے پر امریکہ چلے گئے
نگراں وزیر اعظم انوار الحق کاکڑ اقوام متحدہ کے جنرل اسمبلی اجلاس میں شرکت کیلئے
پانچ روزہ دورے پرامریکا چلے گئے ہیں۔ انوار الحق کاکڑ 18 سے 23 ستمبر تک نیویارک
میں اقوام متحدہ جنرل اسمبلی کے 78 ویں اجلاس کے اعلیٰ سطحی مباحثے میں شرکت کریں گے۔
22 ستمبر کو اقوام متحدہ کی جنرل اسمبلی کے اجلاس سے خطاب بھی کریں گے۔
وزیرِ اعظم نیویارک میں جنرل اسمبلی اجلاس میں شرکت کیساتھ ساتھ عالمی رہنماوں سے ملاقاتیں بھی کریں گے۔
دورے میں نگراں وزیر اعظم موسمیاتی تبدیلی پر منعقد ہونیوالی اہم کانفرنس میں بھی شرکت کریں گے۔
بین الاقوامی ذرائع ابلاغ کے نمائندوں سے ملاقات بھی کریں گے۔
نگران وزیر اعظم امریکہ کے معروف تھنک ٹینکس کا بھی دورہ کریں گے،
نگران وزیر خارجہ جلیل عباس جیلانی بھی وزیر اعظم کے ہمراہ ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
پاکستان تعلقات مزید مضبوظ بنانے کیلئے ، پاکستان تعلقات مزید مضبوظ بنانے کیلئے
= پڑھیں = پاکستان بھر سے مزید اہم اور تازہ ترین خبریں
About Author
