ڈالر کے مقابلے میں پاکستانی روپیہ گراوٹ کا شکار
کراچی (جے ٹی این پی کے) پاکستانی روپیہ گراوٹ کا شکار
انٹر بینک اور اوپن مارکیٹ میں جمعرات کو ڈالر کے مقابلے پاکستانی روپیہ گراوٹ کا شکار رہا ۔
فاریکس ایسوسی ایشن آف پاکستان کی رپورٹ کے مطابق جمعرات کو انٹر بینک میں روپے کے
مقابلے ڈالر20پیسے مہنگا ہو گیا جس سے ڈالر کی قیمت خرید 176.20روپے سے بڑھ
کر176.40روپے اور قیمت فروخت 176.30روپے سے بڑھ کر176.50روپے ہو گئی اسی طرح
مقامی اوپن کرنسی مارکیٹ میں10پیسے کے اضافے سے ڈالر کی قیمت خرید 177.20روپے سے
بڑھ کر177.30روپے اور قیمت فروخت177.70روپے سے بڑھ کر177.80روپے ہو گئی ۔
یہ بھی پڑھیں:دسمبر میں اٹلس ہونڈا، سوزوکی موٹرسائیکلوں کی فروخت میں کمی
فاریکس رپورٹ کے مطابق یورو کی قدر میں20پیسے کا اضافہ ہوا ۔اور یورو کی قیمت خرید
198.30روپے سے بڑھ کر199روپے اور قیمت فروخت200.80روپے سے بڑھ کر201روپے ہو
گئی جبکہ50پیسے کے اضافے سے برطانوی پونڈ کی قیمت فروخت241روپے سے بڑھ
کر241.50روپے ہو گئی ۔
عالمی مارکیٹ میں20ڈالر کے اضافے سے فی اونس سونا1837ڈالر ہو گیا
عالمی مارکیٹ میں20ڈالر کے اضافے سے فی اونس سونا1837ڈالر ہو گیا جس کے بعد ملکی صرافہ
مارکیٹوں میں بھی سونا مہنگا ہو گیا۔آل پاکستان سپریم کونسل جیولرز ایسوسی ایشن کی رپورٹ
کے مطابق ملکی صرافہ مارکیٹوں میں700روپے کے اضافے سے ایک تولہ سونے کی
قیمت1لاکھ25ہزار900روپے ہو گئی اسی طرح601 روپے کے اضافے سے دس گرام سونے کی
قیمت 1لاکھ7ہزار939روپے پر جا پہنچی ۔
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں
About Author
