پاکستانیوں کی اکثریت نظامِ جمہوریت سے بیزار، عالمی سروے میں 27 واں نمبر
واشنگٹن: پاکستانیوں کی اکثریت نظامِ جمہوریت سے بیزار، عالمی سروے میں 27 واں نمبر
پاکستان میں جمہوریت کی حمایت عالمی اوسط سے بھی کم ہے اور 30 ملکوں میں پاکستان 27 ویں نمبر پر ہے، بھارت، بنگلہ دیش، سری لنکا سمیت خطے کے ممالک میں جمہوریت کی حمایت زیادہ ہے، جبکہ پاکستان کے بعد صرف سعودی عرب اور روس کا نمبر آتا ہے۔ نوجوان بھی جمہوریت کے زیادہ حامی نہیں بلکہ فوجی حکمرانی کو بہتر تصور کرتے ہیں۔ 30 ملکوں میں ترکی دوسرے اور بھارت چوتھے نمبر، دنیا میں فوجی حکمرانی کی حمایت نوجوانوں میں زیادہ ہے۔
نوجوان بھی جمہوریت سے زیادہ فوجی حکمرانی کو بہتر تصور کرتے ہیں، رپورٹ
غیرملکی خبررساں ادارے کے مطابق اوپن سوسائٹی فاﺅنڈیشن کی جانب سے کرائے گئے سروے میں ایک اور بات یہ سامنے آئی ہے کہ نوجوان جمہوریت کے زیادہ حامی نہیں اور وہ فوجی حکمرانی کو بہتر تصور کرتے ہیں۔
یہ نقطہ اس اعتبار سے اہم ہے کہ پاکستان میں نوجوان ووٹرز کا تناسب کافی زیادہ ہے۔
سروے میں 36 ہزار سے زائد لوگوں سے ڈیٹا لیا گیا جو ان 30 ممالک کی ساڑھے پانج ارب کی آبادی کی نمائندگی کر رہے تھے۔
نتائج سے ظاہر ہوتا ہے کہ جن لوگوں کے خیال میں ایک جمہوری طور پر منتخب حکومت والے ملک میں زندگی گزارنا اہم ہے،
ان کا تناسب بالترتیب ایتھوپیا، ترکی، چین، بھارت، مصر اور ارجنٹینا میں اہم ہے۔
30 ممالک میں سے 18 میں جمہوریت کی حمایت کی عالمی اوسط 86 فیصد
اوپن سوسائٹی کے مطابق جمہوریت کی حمایت کی عالمی اوسط 86 فیصد ہے۔
سروے میں شامل 30 ممالک میں سے 18 اس اوسط سے اوپر تھے۔
ان میں مذکورہ بالا چھ ممالک کے علاوہ نائجیریا، اٹلی، بنگلہ دیش، میکسیکو، کینیا،
برازیل، گھانا، سینگال، کولمبیا، ملائیشیا اور تیونس شامل ہیں۔
جرمنی بارڈر لائن پر ہے یعنی وہاں 86 فیصد لوگوں نے جمہوری طور پر منتخب
حکومت کے سائے میں زندگی گزارنے کو اہمیت دی۔
ان ملکوں کے مقابلے میں پاکستان میں صرف 79 فیصد لوگوں نے کہا جمہوری طور
پر منتخب حکومت کے زیر سایہ زندگی گزارنا اہم ہے۔
انسانی حقوق کے احترام کے حوالے سے پاکستان چوتھے نمبر پر
سعودی عرب میں یہ شرح 74 فیصد اور روس میں 65 فیصد رہی۔
البتہ جب انسانی حقوق کے احترام کی بات آئی تو پاکستانیوں میں سے 81 فیصد نے کہا
کہ انسانی حقوق پر عملدرآمد سے اچھائی پیدا ہو سکتی ہے۔
پاکستان اس معاملے میں چوتھے نمبر تھا۔
انسانی حقوق کی حمایت کے معاملے میں بھارت پاکستان سے پیچھے پانچویں نمبر پر، جبکہ بنگلہ دیش سب سے اوپر یعنی پہلے نمبر ہے۔
پڑھیں : جمہوریت اور آمریت دونوں سگی بہنیں ۔ ۔ ۔؟
سروے کے دوران معلوم ہوا کہ نوجوانوں میں فوجی حکمرانی کی حمایت زیادہ ہے۔
مجموعی طور پر 86 فیصد لوگوں نے کہا وہ جمہوری ملک میں رہنا پسند کریں گے۔
صرف 20 فیصد نے آمریت کی حمایت کی۔
لیکن جب مختلف عمروں کے لوگوں کے رحجانات کا جائزہ لیا گیا تو معلوم ہوا 18 سے
35 برس کے افراد میں سے صرف 57 فیصد جمہوریت کو ترجیح دیتے ہیں۔
اس کے مقابلے میں 56 برس سے زائد عمر کے افراد میں یہ تناسب 71 فیصد تھا۔
نوجوانوں میں سے 42 فیصد سے فوجی حکمرانی کی حمایت کی جبکہ بڑی عمر کے افراد میں سے صرف 20 فیصد فوجی حکمرانی کے حامی تھے۔
سال 2023 کے لیے اس سروے کے نتائج منگل 12 ستمبر کو جاری کیے گئے ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
پاکستانیوں کی اکثریت نظامِ جمہوریت سے , پاکستانیوں کی اکثریت نظامِ جمہوریت سے
= پڑھیں = دنیا بھر سے مزید تازہ ترین اور اہم خبریں
= پڑھیں = پاکستان بھر سے مزید اہم اور تازہ ترین خبریں
مزید تجزیئے ، فیچرز ، کالمز ، بلاگز،رپورٹس اور تبصرے ( == پڑھیں == )
About Author
