ٹِک ٹاک پر 2 کروڑ70 لاکھ پانڈز جرمانہ عائد ہونے کے امکانات
لندن (جے ٹی این پی کے) ٹِک ٹاک پر جرمانہ عائد
مشہور ویڈیو شیئرنگ ایپ ٹِک ٹاک پر برطانیہ میں ممکنہ طور پر 2 کروڑ 70 لاکھ پانڈز کا جرمانہ عائد ہوسکتا ہے۔
کمپنی کو بچوں کی پرائیویسی کی حفاظت میں ناکامی کے سبب برطانیہ کے ڈیٹا پروٹیکشن لا کی خلاف ورزی کرنے پر ہرجانے کا سامنا کرنا پڑسکتا ہے۔
میڈیا رپورٹس کے مطابق برطانیہ کے انفارمیشن کمیشنرز آفس(آئی سی او)کی جانب سے سوشل میڈیا کمپنی کو ایک نوٹس آف اِنٹینٹ جاری کیا گیا ہے۔
یہ بھی پڑھیں : دبئی میں سکول فیسوں کی ادائیگی اب ڈیجیٹل کرنسی میں ہو گی
یہ ایک قانونی دستاویز ہوتی ہے جس کے بعد ممکنہ جرمانے کی راہ ہموار ہوتی ہے۔
دستاویز کے مطابق مئی 2018 سے جولائی 2020 کے درمیان ٹِک ٹاک نے ممکنہ طور پر
13 سال سے کم عمر بچوں کی معلومات ان کے والدین کی مرضی کے بغیر آگے بڑھایا۔
کمپنی ممکنہ طور پر اپنے صارفین کو جامع، شفاف اور آسانی سے سمجھ میں آنے والی
باقاعدہ معلومات فراہم کرنے میں بھی ناکام رہی اور بغیر کسی قانونی بنیادوں کے اسپیشل
کیٹگری ڈیٹا آگے بڑھایا۔
ٹِک ٹاک نوجوانوں میں انتہائی مقبول ایپلی کیشن ہے اور اس کو دنیا بھر میں ہر ماہ ایک
ارب سے زیادہ افراد استعمال کرتے ہیں۔
بیجنگ کی مقامی کمپنی بائٹ ڈانس کی ملکیتی ایپلی کیشن پر آئی سی او کی جانب سے
ٹِک ٹاک کی سالانہ آمدنی کے چار فی صد تک جرمانہ عائد کیا جاسکتا ہے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
