ٹوئٹر کے شیئرز کی قیمت میں اچانک بڑے اضافے کی وجہ سامنے آ گئی

نیویارک (جتن نیوز اردو مانیٹرنگ ڈیسک) ٹوئٹر کے شیئرز کی قیمت

امریکی کمپنی ٹیسلا اور نجی خلائی کمپنی اسپیس ایکس کے سربراہ ایلون مسک

نے سماجی رابطوں کی ویب سائٹ ٹوئٹر کے 9 فیصد سے زائد حصص خرید لیے۔ ایلون

مسک کی جانب سے ٹوئٹرز کے حصص خریدنے کی خبر سامنے آنے کے بعد پیر کو

ٹوئٹر کے شیئرز کی قیمت میں 25 فیصد اضافہ ہوا-

ایلون مسک نے 14 مارچ کو ٹوئٹر کے حصص خریدے

میڈیا رپورٹس کے مطابق ایلون مسک نے 14 مارچ کو ٹوئٹر کے حصص خریدے
جن کی تعداد 7 کروڑ 34 لاکھ سے زائد ہے اور ان کی مالیت تقریباً 3 ارب ڈالرز ہے۔
امریکی سکیورٹیز اینڈ ایکسچینج کمیشن نے بھی ٹیسلا بانی کی جانب سے ٹوئٹر کے
شیئرز خریدے جانے کی تصدیق کی ہے۔ ایلون مسک نے ٹوئٹر کے 9.2 فیصد حصص
خریدے ہیں اور وہ ٹوئٹر کے سب سے زیادہ حصص رکھنے والے شیئر ہولڈر بن گئے
ہیں جبکہ ٹوئٹر کے شریک بانی جیک ڈور سی 2.25 فیصد حصص کے مالک ہیں۔

ٹوئٹر کے حصص کی قیمت میں 25 فیصد اضافہ

ایلون مسک کی جانب سے ٹوئٹرز کے حصص خریدنے کی خبر سامنے آنے کے بعد
پیر کو ٹوئٹر کے شیئرز کی قیمت میں 25 فیصد اضافہ ہوا۔ خیال رہے کہ ایلون مسک
کی جانب سے ٹوئٹر کے شیئرز خریدے جانے کی خبر ایسے وقت میں سامنے آئی ہے
جب گزشتہ دنوں انہوں نے کہا تھا کہ اظہارِ رائے کی آزادی کیلئے نیا سوشل میڈیا پلیٹ
فارم بنانے پر سنجیدگی سے غور کر رہا ہوں۔

قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ