ٹوئٹر کا صارفین کو آمدن میں سے حصہ دینے کا اعلان، کمانے کا طریقہ بھی بتا دیا
نیویارک: ٹوئٹر کا صارفین کو آمدن میں
سماجی رابطوں کی ویب سائٹ ٹوئٹر نے ویڈیوز بنانے والے صارفین کو اشتہارات سے ہونے والی کمائی میں حصہ دینے کا اعلان کیا ہے۔
کمپنی کی جانب سے جاری کردہ بیان میں کہا گیا ہے کہ ویڈیوز بنانے والوں کو ان اشتہارات کی کمائی میں حصہ ملے گا جو پوسٹ کے ریپلائز میں ظاہر ہو رہے ہوتے ہیں۔
آمدن کے اہل صرف تصدیق شدہ اکاﺅنٹس ہولڈرز ہونگے اور جن کی پوسٹس گزشتہ 3 ماہ میں 50 لاکھ مرتبہ دیکھی جا چکی ہوں۔
ادائیگی کیلئے صارف کا سٹرائپ پر اکاﺅنٹ ہونا لازمی، ٹوئٹر انتظامیہ
ٹوئٹر انظامیہ نے مزید کہا کہ ادائیگی کے لیے صارف کا سٹرائپ پر اکاﺅنٹ ہونا لازمی ہے۔
کمپنی کی کوشش ہے زیادہ سے زیادہ ویڈیوز بنانے والوں کو پلیٹ فارم کی جانب راغب کیا جائے۔
سوشل میڈیا کمپنی نے اپنی پوسٹ میں کہا صارفین کو ٹوئٹر سے براہ راست کمانے میں مدد فراہم کرتے ہوئے ’’ کریٹر ایڈز ریوینیو شیئرنگ ‘‘ کے نام سے پروگرام لانچ کر دیا ہے۔
ٹوئٹر نے کہا رواں ماہ میں ہی اس پروگرام کو مزید آگے بڑھایا جائے گا۔
تمام اہل صارفین اس کے لیے اپلائی کر سکیں گے۔
یاد رہے رواں سال کے آغاز میں بھی ٹوئٹر نے صارفین کو اجازت دی تھی
کہ وہ اپنے شائع کیے گئے ویڈیوز مواد کو سبسکرائب کروا کر پیسے کما
سکتے ہیں۔ ٹوئٹر کے مالک ایلون مسک نے کہا تھا کہ سبسکرپشن فیس سے
ہونے والی کمائی کا پورا حصہ پہلے سال میں ویڈیوز بنانے والوں کو ملے گا۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
ٹوئٹر کا صارفین کو آمدن میں ، ٹوئٹر کا صارفین کو آمدن میں
= پڑھیں = سائنس اینڈ ٹیکنالوجی سے متعلق مزید اہم خبریں
About Author
