ٹوئٹر ملازمین کی نوکریاں خطرے میں پڑ گئیں، امریکی اخبار کا دعویٰ
نیویارک:جے ٹی این پی کے نیوز: ٹوئٹر ملازمین کی نوکریاں خطرے میں
ایک امریکی اخبار نے دعویٰ کیا ہے کہ دنیا کے امیر ترین شخص ایلون مسک نے سماجی رابطے کی ویب سائٹ ٹوئٹر کو خریدنے کے معاہدے میں 75 فیصد ملازمین کو نوکری سے فارغ کرنے کا منصوبہ بنایا ہے۔
ٹوئٹر ڈیل مقدمے کی تفتیش میں ایلون مسک کا ’’ یوٹرن ‘‘
اس امریکی اخبار نے اپنی رپورٹ میں کہا ہے کہ ایلون مسک نے ٹوئٹر خریدنے
کے 44 ارب ڈالر کے معاہدے میں ممکنہ طور پر سرمایہ کاروں کو بتایا ہے کہ
وہ اپنے 7,500 ملازمین میں سے تین چوتھائی کو فارغ کرنے کا ارادہ رکھتا ہے۔
اخبار کے مطابق دستاویزات سے پتہ چلا ہے کہ آنے والے کچھ ماہ میں ٹوئٹر کے ملازمین کو نوکری سے برخاست کر دیا جائے گا،
اس سے کوئی فرق نہیں پڑتا کہ کمپنی کا مالک کون ہے۔
دستاویزات کے مطابق ٹوئٹر کی موجودہ انتظامیہ نے آئندہ سال کے آخر
تک کمپنی کے ملازمین کی تنخواہوں میں سے تقریبا 800 ملین ڈالر کم
کرنے کا منصوبہ بنایا ہے۔ امریکی اخبار کے مطابق ملازمین کی تنخواہوں
میں اتنی بڑی کٹوتی کا مطلب یہی ہے کہ تقریبا ایک چوتھائی ملازمین کو نوکری سے فارغ کردیا جائے گا۔
واٹس ایپ نیا دلچسپ فیچر متعارف کروانے کو تیار
رپورٹس کے مطابق سوشل میڈیا کمپنی نے اپنے ملازمین کو بتایا ہے
کہ وہ بڑے پیمانے پر برطرفی کا منصوبہ نہیں بنا رہے، لیکن دستاویزات
میں شواہد ملے ہیں کہ ایلون مسک کی جانب سے ٹوئٹر کو خریدنے کی خواہش
سے قبل ہی کمپنی کی جانب سے عملے کو نکالنے اور انفرا اسٹرکچر کے اخراجات
میں کمی کے منصوبے پر کام جاری تھا۔
واضح رہے کہ ایلون مسک نے مئی میں ٹوئٹر کی خریداری کے معاہدے سے دستبردار
ہونے کی کوشش کرتے ہوئے الزام لگایا تھا کہ ٹوئٹر انتظامیہ نے سوشل میڈیا پلیٹ فارم
پر جعلی اکاونٹس کے بارے میں معلومات فراہم نہیں کی، بعد ازاں دونوں فریقین کے
درمیان معاملہ عدالت میں گیا تھا۔ دوسری جانب رواں ماہ کے اوائل میں ایلون مسک
نے کہا تھا کہ وہ اصل شرائط پر معاہدے کو آگے بڑھائیں گے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
ٹوئٹر ملازمین کی نوکریاں خطرے میں ، ٹوئٹر ملازمین کی نوکریاں خطرے میں
= پڑھیں = سائنس اینڈ ٹیکنالوجی سے متعلق مزید اہم خبریں
