70 وفاقی و صوبائی وزراء میں سے 50 سے زائد سیاسی محاذ سے غائب
لاہور (جے ٹی این پی کے) وفاقی صوبائی وزراء سیاسی محاذ غائب
70 وفاقی و صوبائی وزراء میں سے 50 سے زائد سیاسی محاذ سے غائب ہیں۔
میڈیا رپورٹ کے مطابق وفاق اور پنجاب میں پی ٹی آئی حکومت کے خلاف تحریک عدم اعتماد کی جنگ شدت اختیار کرچکی ہے،
حکومت اور اپوزیشن کی صفوں میں ابھی تک بے یقینی کی کیفیت برقرار ہے،
حکومتی اتحادی جماعتوں نے واضح طور پر کسی کا ساتھ دینے کا اعلان نہیں کیا،
پی ٹی آئی کے منحرف ارکان کا فیصلہ بھی مبہم ہے،
تمام سیاسی صورتحال میں حکومت کے 70 وفاقی اور صوبائی وزراء میں سے 50 سے زائد ارکان سیاسی محاذ سے غائب ہیں،
اور اسی بے یقینی کے سبب خاموش ہیں۔
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
ذرائع کے مطابق سیاسی منظر نامے سے غائب ہونے والوں میں 35 وفاقی وصوبائی مشیران
اور معاونین خصوصی میں سے 25 کے لگ بھگ اور 55 رکنی وفاقی کابینہ میں 28 وزیر،
4 وزیر مملکت، 4 مشیر اور 19 معاون خصوصی شامل ہیں،
جب کہ 46 رکنی پنجاب کابینہ میں 38 وزیر، 4 مشیر اور 4 معاون خصوصی شامل ہیں۔
دوسری جانب وفاقی سطح پر شاہ محمود قریشی، فواد چوہدری، حماد اظہر، پرویزخٹک، مراد سعید،
شفقت محمود ،شیخ رشید اور بابر اعوان وزیر اعظم عمران خان کے ہراول دستے میں شامل ہیں،
جب کہ پنجاب میں عثمان بزدار سرکار کا دفاع مضبوط بنانے میں راجہ بشارت، میاں محمود الرشید، میاں اسلم اقبال، اسد کھوکھر، مراد راس کے لئے متحرک نظر آتے ہیں،
تاہم بڑی تعداد میں وفاقی وصوبائی وزرائ اور اراکین کابینہ کی جانب سے مضبوط آواز اور نمایاں سرگرمیاں دکھائی نہیں دے رہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
