واٹس ایپ ماہرین صارفین کو مزید سہولیات کی فراہمی میں مصروف
نیویارک (جے ٹی این پی کے) واٹس ایپ ماہرین صارفین کو مزید
دنیا کی سب سے بڑی میسیجنگ ایپلی کیشن واٹس ایپ کی جانب سے امسال ماہ جون اور پھر ستمبرکے مہینے میں یہ خبریں آئی تھیں کہ جلد ہی ایڈٹ بٹن متعارف کرائے گی ،
لیکن ایسا نہ ہو سکا تاہم اب خبر سامنے آئی ہے کہ کمپنی کے ماہرین ایڈٹ بٹن کو مزید بہتر بنانے میں مصروف ہیں، جس کے بعد ہی ممکنہ طور پر اسے آزمائش کیلئے متعارف کرایا جائیگا۔
واٹس ایپ کی اپڈیٹس پر نظر رکھنے والی ویب سائٹ ویب ایٹ انفو کی رپورٹ کے مطابق
واٹس ایپ پر ایسا ایڈٹ بٹن متعارف کرایا جائیگا،
جس کے تحت صارفین 15 منٹ بعد تک پیغام میں کی گئی غلطی کو درست کر سکیں گے۔
رپورٹ میں بتایا گیا صارفین جس پیغام کو درست کریں گے، اس کے نیچے وصول کرنیوالے
کو ایڈٹ کا آپشن نظر آئیگا اور وہ پہلا میسیج بھی پڑھنے کے قابل ہوگا،
یہ بھی پڑھیں : دبئی میں سکول فیسوں کی ادائیگی اب ڈیجیٹل کرنسی میں ہو گی
تاہم یہ واضح نہیں ہے کہ مذکورہ فیچر کو کب تک متعارف کرایا جائیگا، تاہم بتایا گیا اس کو
بہتر بنانے پر کام جاری ہے۔
اسی حوالے سے مزید بتایا گیا کہ ممکنہ طور پر وہ صارفین اپنے کسی بھی غلط میسیج کو
ایڈٹ نہیں کر سکیں گے جو کسی ایسے شخص کے پاس پیغام بھیجیں گے،
جس کا ڈیوائس ایک دن سے بند پڑا ہوگا،یعنی جس صارف کا واٹس ایپ ایک دن سے بند ہوگا،
اسے بھیجا جانیوالا میسیج ممکنہ طور پر ایڈٹ نہیں ہوسکے گا۔
رپورٹ کے مطابق اس حوالے سے ا بھی کچھ کہنا قبل از وقت ہے۔
یہاں یہ بات بھی قابل ذکر ہے کہ واٹس ایپ اسی طرح کے ایک اور فیچر پر بھی کام کر رہا ہے،
جس کے تحت صارفین غلطی سے ڈیلیٹ کیے گئے پیغام کو بھی انڈو یعنی واپس کر سکیں گے۔
لیکن یہ معلوم نہیں ہوسکا کہ واٹس ایپ پر دونوں فیچرز کو کب تک متعارف کرایا جائیگا
البتہ خیال کیا جا رہا ہے کہ انہیں امسال کے اختتام یا پھر آئندہ برس کے آغاز تک پیش کردیا جائیگا۔
واٹس ایپ ماہرین صارفین کو مزید
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
