نیپرا اور پاور ڈویژن حکام میں معنی خیز مکالمہ، پڑھیئے اور سر دُھنیئے
اسلام آباد: جے ٹی این پی کے نیوز: نیپرا اور پاور ڈویژن حکام میں
بجلی کی فی یونٹ قیمت میں 3 روپے 23 پیسے تک اضافے کی منظوری
نیشنل الیکٹرک پاور ریگولیٹری اتھارٹی نے بجلی کی فی یونٹ قیمت میں 3 روپے 23 پیسے تک اضافے کی منظوری دیدی۔ نیپرا میں بجلی قیمتوں میں اضافے سے متعلق سماعت مکمل ہو گئی، تاہم نیپرا بجلی قیمتوں میں اضافے سے متعلق تفصیلی فیصلہ بعد میں جاری کریگا، نوٹیفکیشن کے بعد اضافے کا بوجھ ملک کے تمام صارفین پڑیگا۔ نیپرا اتھارٹی نے کہا ہے کہ وفاقی حکومت کی درخواست کی منظوری کے علاوہ کوئی چارہ نہیں، لیکن بجلی کی قیمتوں میں اضافے سے بجلی کی طلب کم اور چوری بڑھنے کا خدشہ ہے۔
آئندہ سال کیلئے سر چارج کی اتنی جلدی کیوں؟ چیئرمین نیپرا
دوران سماعت نیپرا کے چیئرمین توصیف ایچ فاروقی بجلی پر سر چارج
3 روپے 23 پیسے فی یونٹ تک بڑھانے کی درخواست پر پاور ڈویژن
حکام پر برہم ہو گئے اورکہا آئندہ سال کیلئے سر چارج کی اتنی جلدی کیوں
ہے؟ عوام کو کوئی سکون کا سانس لینے دیں۔ نیپرا کے ممبر سندھ رفیق
شیخ نے کہا عوام کو بوجھ تلے دبا دیا، بجلی کی کمپنیوں کی خرابیوں کو
دور کریں۔ نیپرا حکام نے کہا وفاقی حکومت نے سر چارج میں اضافے کی
نئی درخواست دی ہے، پہلے آئندہ مالی سال کیلئے ایک روپے 43 پیسے
فی یونٹ سر چارج اضافے کی درخواست تھی، اب یہ سر چارج 3 روپے
23 پیسے فی یونٹ تک بڑھانے کی درخواست کی گئی ہے، نئی درخواست
میں کہا گیا ہے کہ پہلے منظور شدہ سر چارج سے ضرورت پوری نہیں ہو سکتی۔
ڈسکوز کی ناقص کارکردگی کی سزا عوام کو کیوں دی جائے؟
ممبرنیپرا خیبر پختونخوا مقصود انور نے سوال کیا کہ یہ معاملہ کہاں تک
جائے گا؟۔ کل مزید سر چارج بڑھانے کیلئے اور درخواست لے آئیں گے۔
جوائنٹ سیکرٹری پاور ڈویژن نے بتایا ہمارے پاور سیکٹر کے مسائل گھمبیر
ہیں، گردشی قرضہ تیزی سے بڑھ رہا ہے۔ ممبر سندھ رفیق شیخ پاور ڈویژن
حکام پر برس پڑے اور کہا ڈسکوز کی ناقص کارکردگی کی سزا عوام کو
کیوں دی جائے؟۔ عوام کو بوجھ تلے دبا دیا، بجلی کی کمپنیوں کی خرابیوں
کو دور کریں، ہم صارفین کے حقوق کے بھی محافظ ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
نیپرا اور پاور ڈویژن حکام میں
= پڑھیں = پاکستان بھر سے مزید اہم اور تازہ ترین خبریں
===> معیشت و کاروبار کی مزید اہم خبریں (== پڑھیں ==)
