نشئی نے گھر کے 6 افراد کو قتل کرڈالا
لاہور (جے ٹی این پی کے) نشئی نے 6 افراد کو قتل
گرین ٹاؤن میں مبینہ طور پر ملزم نے اپنے بیٹے پر تشدد کی رنجش پر اپنے
اور سسرال کے گھروں میں فائرنگ کر دی جس کے نتیجے میں تین خواتین
سمیت 6افراد جاں بحق جبکہ ایک خاتون زخمی ہو گئی،جاں بحق ہونے والوں
میں ملزم کے والدین ، بہن ، بھانجا ، سسر اور خالہ ساس شامل ہیں ،پولیس نے
فوری کارروائی کر کے ملزم کو گرفتارکرلیا جبکہ فرانزک ماہرین کی مدد سے
شواہد اکٹھے کرنے کے بعد لاشوں کومردہ خانے منتقل کر دیا گیا.
قتل کی واردات کا دلخراش واقعہ شیراز ٹاؤن میں پیش آیا
بتایا گیا ہے کہ قتل کی واردات کا دلخراش واقعہ گرین ٹاؤن اورباگڑیاں میں
شیراز ٹاؤن میں پیش آیا جہاں تین خواتین سمیت 6افراد کو قتل جبکہ دوافرادکو
زخمی کر دیا گیا بتایا گیا ہے کہ ملزم عابد گاڑی میں سوارہو کر آیا اور اپنے
اور سسرال والوں کے گھر میں فائرنگ کر دی جس کے نتیجے میں والد 60
سالہ غلام حسین ،والدہ55 سالہ آسیہ بی بی ،بہن35 سالہ ریحانہ ،بھانجا15 سالہ
ہمایوں ،سسر اسلم اور خالہ ساس رانی بی بی جاں بحق جبکہ ساس شدید زخمی ہوگئی۔
ملزم عابد کو گرفتار کر لیا گیا
اطلاع ملتے ہی پولیس ،ریسکیو 1122،ایدھی ایمبولینسز اور فرانزک ٹیمیں موقع
پر پہنچ گئیں ۔ پولیس نے جائے وقوعہ سے شواہد اکٹھے کرنے کے بعد لاشوں
کو مردہ خانے منتقل کر دیا ۔ پولیس کے مطابق ملزم عابد کو گرفتار کر لیا گیا
ا ور اس نے اپنے ابتدائی بیان میں بتایا ہے کہ اس کے بیٹے تشدد کا نشانہ بنایا گیا
جس کی رنجش پر اس نے فائرنگ کی ۔
ملزم آئس کا نشہ کرتا ہے
یہ بھی اطلاعات ہے کہ ملزم آئس کا نشہ کرتا ہے اورگزشتہ روزگاڑی پر گھر آیا
اور اپنے اور سسرال کے گھر وں میں فائرنگ کر دی ۔ذرائع کے مطابق واقعہ
میں جائیداد کا تنازعہ بھی سامنے آیا ہے رپورٹ کے مطابق ملزم عابد گاڑی میں
سوارہوکر پہلے گرین ٹاؤن کالج روڈ پر واقع اپنے والدین کے گھر پہنچا جہاں اس
نے اندر داخل ہوتے ہی فائرنگ کردی. جس کے بعد ملزم باگڑیاں میں واقع اپنے
سسرال کے گھر جا پہنچا اور وہاں پر بھی فائرنگ کی.
خالہ ساس اور سسر جاں بحق ہو گئے
جس سے اس کی خالہ ساس رانی بی بی اور سسر اسلم جاں بحق ہو گئے جبکہ
ساس زخمی ہے ۔آئی جی پنجاب را ؤسردار علی خان نے ٹاؤن شپ میں فائرنگ
کے واقعے کا نوٹس لیتے ہوئے قائمقام سی سی پی او لاہور سے واقعہ کی
رپورٹ طلب کرلی ۔
نشئی نے 6 افراد کو قتل
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
