مہنگا ترین فیفا ورلڈ کپ 2022، شائقین کیلئے میچ دیکھنے کا ضابطہ اخلاق جاری
دوحہ: جے ٹی این پی کے نیوز: مہنگا ترین فیفا ورلڈ کپ 2022
مسلم ملک قطر میں 20 نومبر سے شروع ہونیوالے تاریخ کے سب سے مہنگے ترین فیفا فٹبال ورلڈ کپ میں شائقین پر مختصر لباس یعنی کندھوں
کو کھلا رکھنے یا گھٹنے سے اوپر کپڑے پہن کر میچ دیکھنے پر پابندی عائد کر دی گئی، جبکہ خلاف ورزی کی صورت میں جرمانہ یا جیل بھی بھیجا جا سکتا ہے۔
پڑھیں : فیفا ورلڈ کپ 2022 افتتاحی تقریب، نورا فتحی لائیو پرفارم کریں گی
غیر ملکی میڈیا رپورٹس کے مطابق یوں تو ورلڈکپ کے دوران فٹبال
فینز اپنی ٹیموں کو سپورٹ کرنے کے لیے مختلف روپ اختیار کرتے ہیں
جبکہ کچھ افراد مختصر لباس پہن کر میچ دیکھنے آتے ہیں، تاہم قطر
میں ایسے کپٹرے سرعام پہننے پر پابندی ہے۔ غیر قطری خواتین سے
ملک کے سخت مسلم ڈریس کوڈ کی پیروی کرنے اور عبایہ پہننے کی
توقع نہیں کی جا رہی، تاہم کندھوں اور گھٹنوں کو ڈھانپ کر رکھنا لازمی ہو گا۔
دوسری جانب قطر اور فیفا آرگنائزنگ کمیٹی نے ایک معاہدہ کیا ہے
جس کے تحت چند سیاحتی علاقوں میں شراب نوشی کی اجازت بھی دی جائے گی۔
اسی طرح ٹورنامنٹ کے دوران کوڑا کرکٹ پھینکنے پر بھی شائقین کو 2,400 تک کا جرمانہ ہو سکتا ہے۔
مزید پڑھیں : فٹبال ورلڈ کپ دیکھنے سعودی شہری پیدل چل کر قطر پہنچ گیا
ادھر میڈیا رپورٹس کے مطابق قطر میں ہونیوالا فیفا ورلڈکپ تاریخ کا
مہنگا ترین ورلڈ کپ ہو گا۔ قطر نے ملک میں فٹبال ورلڈ کپ کے انعقاد
کے لیے انفراسٹرکچر پر 200 بلین ڈالر سے زائد خرچ کیے ہیں اور اسٹیڈیمز کو ائیر کنڈیشنڈ بنایا گیا ہے تاکہ شائقین لطف اندوز ہو سکیں۔
سال 2002ء میں کوریا اور جاپان کی میزبانی کے بعد رواں سال
کھیلا جانیوالا فیفا فٹبال ورلڈ کپ دوسری بار ایشیائی سر زمین پر
منعقد ہو رہا ہے۔ فٹبال ورلڈ کپ کے میچز قطر کے کل 8 اسٹیڈیمز میں کھیلے جائیں گے، جن میں 32 ٹیمیں ایک دوسرے کے مدمقابل آئیں گی۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
مہنگا ترین فیفا ورلڈ کپ 2022 ، مہنگا ترین فیفا ورلڈ کپ 2022
===> دنیا بھر سے کھیل و کھلاڑیوں کی خبریں (== پڑھیں ==)
