مچھلی کھانے کے بعد امریکی خاتون ہاتھوں اور ٹانگوں سے محروم
واشنگٹن: مچھلی کھانے کے بعد امریکی خاتون ہاتھوں اور ٹانگوں سے محروم
امریکا میں ایک خاتون مچھلی کھانے کے بعد اپنے دونوں ہاتھوں اور ٹانگوں سے محروم ہو گئی۔
غیر ملکی میڈیا رپورٹس کے مطابق امریکی ریاست کیلیفورنیا سے تعلق رکھنے والی
ایک خاتون اپنے مذکورہ چاروں اعضا سے اس وقت محروم ہو گئی جب اس نے مبینہ
طور پر کم پکی ہوئی تلاپیا مچھلی کا استعمال کیا، یہ مچھلی مہلک بیکٹیریل انفیکشن سے آلودہ تھی۔
میڈیا رپورٹس کے مطابق 40 سالہ خاتون کی دوست کے مطابق گزشتہ ایک ماہ سے
متاثرہ خاتون مقامی ہسپتال میں زیر علاج ہے اور حال ہی میں ان کی سرجری کی گئی
ہے۔ متاثرہ خاتون کی دوست کے مطابق خاتون نے مچھلی مقامی مارکیٹ سے خریدی
تھی اور گھر میں پکائی تھی اسے کھانے کے بعد خاتون کی حالت غیر ہو گئی اور موت کے منہ میں چلی گئی تھی۔
انہوں نے میڈیا کو بتایا کہ ڈاکٹرز نے متاثرہ خاتون کی بگڑتی ہوئی حالت کے پیش نظر
اسے کوما میں ڈال دیا تھا کیونکہ اس کے دونوں ہاتھ، ٹانگیں، ہونٹ کالے ہو چکے تھے
جبکہ دونوں گردے فیل ہو رہے تھے۔ خاتون کی دوست کے مطابق متاثرہ خاتون
Vibrio vulnificus نامی مہلک بیکٹیریل انفیکشن کی زد میں آ گئی تھی جو کچی
سمندری غذا یا پانی میں پایا جاتا ہے۔ اس سے محفوظ رہنے کے لئے ضروری ہے کہ
سمندری غذا کو اچھی طرح سے صاف کر کے اور مکمل طور پر پکا کر ہی کھایا جائے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
مچھلی کھانے کے بعد امریکی خاتون
===> مزید دلچسپ اور عجیب وغریب خبریں (== پڑھیں ==)
= پڑھیں = دنیا بھر سے مزید تازہ ترین اور اہم خبریں
About Author
