موسم سرما میں کس کو گیس ملے گی کس کو نہی ؟ پلان آ گیا
اسلام آباد ،لاہور(جے ٹی این پی کے نیوز) موسم سرما میں کس کو گیس
وزارت پٹرولیم نے موسم سرما میں گیس کے بڑے بحران کا خدشہ ظاہر کرتے ہوئے بتایا ہے طلب و رسد کے تناسب سے گیس لوڈ مینجمنٹ پلان تیار کرلیا گیا ہے،
یہ پلان آج یکم نومبرتا 15 فروری 2023 تک کیلئے ہے ،
دوسری طرف سوئی ناردرن گیس کمپنی کے کمرشل صارفین کیلئے گیس فی یونٹ قیمت دوگنا سے بھی زیادہ کردی گئی ہے۔
تفصیلات کے مطابق ذرائع وزارت پٹرولیم کا کہنا ہے گزشتہ سال کی نسبت رواں برس گیس بحران میں شدت کا خدشہ ہے۔
موسم سرما میں گیس کی دستیابی اور طلب کیا ہوگی، اس کا تخمینہ لگا نے سمیت ایل این جی کی
درآمد کیلئے منصوبہ بندی کر لی گئی،
جبکہ وزارت نے ترجیحات طے کرلی ہیں کہ بحران کے دوران کس سیکٹر کو کتنی گیس فراہم کی جائیگی،
بحران کے پیش نظر تیار کیا گیا ،گیس لوڈ مینجمنٹ پلان آج یکم نو مبر تا 15فروری 2023 تک کیلئے ہوگا۔
ذرائع نے امکان ظاہر کیا ہے کہ بلوچستان اور سندھ میں سیلاب کی وجہ سے گیس کی دستیابی
وسپلائی متاثر ہو سکتی ہے ،
آئندہ موسم سرما میں گیس کی مجموعی یومیہ طلب 8ارب جبکہ مجموعی پیداوار 3ارب 75کروڑ
کیوسک فٹ ہونے کا امکان ہے،
اسلئے ایک ارب کیوبک فٹ ایل این جی درآمد کی جائیگی، گیس کا شا ر ٹ فال 3ارب 25کروڑ
کیوبک فٹ یومیہ سے زائد ہونے کا امکان ہے،
اس دوران گھریلو صارفین کو گیس کی دستیابی پہلی ترجیح ہوگی اور انہیں 24گھنٹوں میں
3اوقات میں گیس فراہم کی جائیگی،
جبکہ زیرو ریٹڈ انڈسٹری ،تندوراور ہسپتالوں کیلئے گیس کی لوڈ شیڈنگ نہیں ہو گی،
بجلی کی پیداوار کیلئے گیس کی رسد تیسری بڑی ترجیح ہو گی،
پاور پلانٹس کو 15فی صد گیس کی کمی کا سامنا ہو گا۔
جنرل انڈسٹری کیلئے گیس کی سپلائی کے اوقات مقرر کیے جائیں گے جبکہ
سیمنٹ ،کھاد اور سی این جی انڈسٹری کیلئے گیس کی سپلائی دستیابی سے مشروط ہو گی۔
کمرشل صارفین کیلیے گیس کی قیمت دوگنا کر دی گئی
ادھر سوئی ناردرن گیس کمپنی کی جانب سے کمرشل صارفین کیلئے گیس فی یونٹ قیمت دوگنا سے
بھی زیادہ کرتے ہو ئے اپنے جاری نوٹیفکیشن میں کہا ہے گیس کی قیمت میں 1480 روپے فی
یونٹ اضافہ کیا گیا ہے،
گیس کی قیمت فی یونٹ1283 روپے سے بڑھا کر 3763 روپے کر دی گئی ہے۔
کمرشل صارفین کیلئے نیا ٹیرف آج یکم نومبر سے لاگو ہوگا، کمرشل صارفین ایل این جی کی جگہ
آر ایل این جی کا نیاکنٹریکٹ کریں، آرایل این جی کا نیا کنٹریکٹ نہ کرنیوالے کمرشل صارف کا
کنکشن کاٹ دیا جائیگا۔
رپورٹ کے مطابق کمرشل صارفین کوایل این جی1283 روپے فی ایم ایم بی ٹی یو دی جارہی تھی،
اب آج یکم نومبر سے کمرشل صارفین کو آر ایل این جی 3763 روپے فی ایم ایم بی ٹی یوملے گی،
کمرشل صارفین میں فیکٹریاں، دکانیں، ہوٹل، تندور اور دیگرکاروباری ادارے شامل ہیں۔
موسم سرما میں کس کو گیس
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : بجلی کے بلوں میں ہوشربا اضافہ، شہریوں کا احتجاج
