ملکہ کی وفات کا سوگ ختم ، کنگ چارلس کا نیا مونوگرام بھی جاری
لندن:جے ٹی این پی کے نیوز: ملکہ کی وفات کا سوگ ختم
آنجہانی ملکہ الزبتھ دوم کی وفات اور آخری رسومات کی ادائیگی کے بعد سات روزہ شاہی سوگ کے اختتام پر بادشاہت کی سرکاری فرائض پر معمول کی واپسی شروع ہو گئی،
اس کے علاوہ شاہی خاندان اور ارکان نے سیاہ ماتمی لباس پہننا بھی ختم کردیا۔ بادشاہ چارلس سوم کے نئے مونوگرام کی نقاب کشائی کردی گئی۔
میڈیا رپورٹس کے مطابق بادشاہ کے مونوگرام یا سائفر کو کالج آف آرمز کی جانب سے ڈیزائن کیا گیا ہے۔
اس ڈیزائن میں بادشاہ چارلس کے نام کے رسم الخط استمال کیے گئے ہیں یعنی C اور R جبکہ III کو حرف R کے اندر لکھا گیا ہے۔
ان تمام حروف کے اوپر شاہی تاج بنایا گیا ہے۔ اس مونوگرام کو سونے سے بنایا گیا۔
پڑھیں : آنجہانی ملکہ الزبتھ کے ہینڈ بیگ کے پیچھے موجود راز افشاء
بکنگھم پیلس کے کورٹ پوسٹ آفس اس نئے سائفر کو استعمال کرتے ہوئے اسٹامپ پوسٹ بنانے والا پہلا محکمہ بن گیا ہے۔
شاہی انتظامیہ کے مطابق محل کا پوسٹ روم ہر سال تقریبا 2 لاکھ ڈاک ارسال کرتا ہے جس میں مختلف تقریبات کے دعوت نامے، عوام اور ریاستی اراکین کی جانب سے موصول ہونے والے خطوط اور ان کے جواب وغیرہ شامل ہیں۔
شاہی مونوگرام بنانے والا کالج آف آرمز 1484 میں قائم کیا گیا تھا جس کا مقصد سرکاری رجسٹرز بنانا اور ان کا خیال رکھنا ہے۔
نئے سائفر کا ڈیزائن کالج آف آرمز نے بنایا مگر بادشاہ چارلس سوم نے اس کی منظوری دی،
جبکہ اس میں بنائے گئے اسکاٹش کرائون کی منظوری کنگ آف آرمز لارڈ لیون نے دی ہے۔
اس سائفر کو سرکاری دفاتر، دستاویزات، عمارتوں اور ڈاک کیلئے جاری کیا جائے گا۔
نئے سائفر کی نقاب کشائی کے ساتھ ہی برطانیہ میں بادشاہ کی شبیہ والے نئے سکے بھی جاری کر دیئے گئے ہیں۔
میڈیا رپورٹس کے مطابق بتدریج ملکہ الزبتھ دوم کے مونوگرام کو بادشاہ کے مونوگرام سے تبدیل کر دیا جائے گا۔
تاہم شاہی انتظامیہ کو اختیار حاصل ہے کہ وہ پچھلے بادشاہ یا ملکہ کا سائفر کئی برسوں تک استعمال کر سکتے ہیں۔
بادشاہ چارلس سوم کے پوٹرئے کیساتھ نیا کرنسی نوٹ کا اجرا 2024 میں ہو گا
میڈیا ذرائع کے مطابق برطانیہ میں بادشاہ چارلس سوم کے پوٹرئے کیساتھ نئے کرنسی نوٹ کا اجرا 2024 کے وسط میں کیا جائے گا۔
شاہی سوگ کے اختتام کے بعد نئے شہزادے اور شہزادی آف ویلز کو ان کے القابات سے نوازا جائے گا،
جبکہ شہزادہ ولیم اور شہزادی کیٹ منگل کو ویلز کا دورہ کریں گے۔
یاد رہے برطانیہ کی سب سے طویل عرصے تک حکمرانی کرنیوالی
ملکہ الزبتھ دوم 70 سال تک راج کرنے کے بعد 8 ستمبر کو اسکاٹ
لینڈ میں انتقال کر گئیں تھیں، ان کی عمر 96 برس تھی۔
ملکہ الزبتھ کی آخری رسومات کے مناظر کے نشر مقررپر پابندی عائد
بکنگھم پیلس کی جانب سے ملکہ برطانیہ کی آخری رسومات کی ریکارڈنگ کے نشر مقرر پر ” شاہی پابندی” عائد کر دی گئی۔
برطانوی میڈیا کی رپورٹس کے مطابق شاہی محل کی جانب سے ایک معاہدے کے
تحت ٹی وی چینلز کو آنجہانی ملکہ برطانیہ الزبتھ دوئم کی آخری رسومات نشر کرنے
کی اجازت دی گئی تھی تاہم اب شاہی محل کی جانب سے آخری رسومات کے کچھ حصوں
کو دوبارہ نشر کرنے پر ہمیشہ کیلئے پابندی عائد کر دی گئی ہے۔ ملکہ برطانیہ
کی آخری رسومات کو کم و بیش 4 ارب لوگوں نے اپنی ٹی وی سکرینوں کے
ذریعے دیکھا، تاہم اب ان کی آخری رسومات کے تاریخی لمحات میں سے کچھ
جذباتی مناظر کے نشر مقرر پر ہمیشہ کیلئے پابندی عائد کر دی گئی ہے۔ ملکہ برطانیہ نے
اپنی آخری رسومات کی ادایئگی کا پورا پلان خود اپنی نگرانی میں تیار کروایا تھا اور
وہ چاہتی تھی کہ برطانوی عوام انکی وفات کے بعد ان کا سوگ منائے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
ملکہ کی وفات کا سوگ ختم ، ملکہ کی وفات کا سوگ ختم ، ملکہ کی وفات کا سوگ ختم
= پڑھیں = دنیا بھر سے مزید تازہ ترین اور اہم خبریں
