مریم نوازہمیں وزارت اعلیٰ دینے کوتیار نہی تھیں ، پرویز الٰہی

اسلام آباد (جے ٹی این پی کے) مریم نواز وزارت اعلیٰ تیار نہی

مسلم لیگ (ق) کے رہنما اور سپیکر پنجاب اسمبلی پرویز الٰہی نے کہا ہے کہ ہمیں اطلاعات ملی تھیں

مریم بی بی گروپ مسلم لیگ (ق)کو وزار ت اعلیٰ دینے کیلئے تیار نہیں تھا ،

شہباز شریف پارٹی کے صدر ضرور ہیں وہ نوازشریف کے ویٹو کا رخ نہیں موڑ سکتے،

طارق بشیر چیمہ کو منانے کی کوشش کررہے ہیں ،آصف علی زر داری سے احترام کا رشتہ ہے اور رہے گا ،

وزیراعظم عمران خان سے د وبارہ ملاقات ہوئی ہے ،وزیر اعلیٰ بھی بن جاؤنگا اور عمران خان بھی وزیر اعظم رہیں گے ،

خط کے معاملے پر عمران خان سے کوئی بات نہیں ہوئی ۔

نجی ٹی وی سے گفتگو کرتے ہوئے پرویز الٰہی نے کہاکہ 35سال بعد شہباز شریف ہمارے گھر آئے تھے

اور پھر ہمیں کھانے پر بلایا گیا اور ہم نہیں گئے ۔

انہوں نے کہاکہ ہمیں اطلاعات ملی تھیں کہ مریم بی بی گروپ کو ہمارا جانا پسند نہیں تھا

اور وہ نہیں چاہتے ہیں پانچ سات سیٹوں والوں کو سب کچھ دے دیں ۔

یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ

ماضی کا حوالہ دیتے ہوئے پرویز الٰہی نے کہاکہ پہلے بھی ہمارے ساتھ تین بار ایسا ہو چکا ہے ،

پیپلز پارٹی کے رہنما آصف علی زر داری نے مسلم لیگ (ن)کو کہا

آپ اگر وزارت اعلیٰ مسلم لیگ (ق) کونہیں دیتے تو ہم پیچھے ہٹ جاتے ہیں ،

آصف علی زر داری مجھے بھی کہتے رہے اور (ن)لیگ والوں کو بھی مناتے رہے

تاہم ہمیں اطلاعات مل رہی تھیں کہ وزار ت اعلیٰ کا ٹائم پیریڈ تین چار ماہ کا ہے اس سے زیادہ نہیں ہوگا ،

ان کی بد قسمتی اور ہماری خوش قسمتی ہے کہ ہمیں باتوں کا پتہ چل جاتا ہے ۔

پرویز الٰہی نے کہاکہ ہماری تحریک انصاف سے بھی بات چیت چل رہی تھی

اور ہم نے کہا ہمیں آپ پر اعتماد نہیں ہے انہوں نے کہاکہ ہم سنجیدہ ہیں ،

اب پہلے والی صورتحال نہیں ۔ انہوں نے کہاکہ ہم نے اپنی پارٹی اور حلقے کے لوگوں کے ساتھ بات کی ہے

جنہوں نے ہمیں مشورہ دیا کہ ہمارا اتحاد فطری پی ٹی آئی کیساتھ بنتا ہے ۔

طارق بشیر چیمہ کے حوالے سے سوال پر پرویز الٰہی نے کہاکہ طارق چیمہ پہلے مشورے میں شامل تھے.

بعد میں ان کو یہ چیز پسند نہیں آئی اور ہمیں کہا کہ ساڑھے تین سال آپ کی وجہ سے گزارا کیا ہے

اب میں نے وزیر اعظم کو ووٹ نہیں دینا ۔

پرویز الٰہی نے کہاکہ طارق بشیر چیمہ سے دوبارہ میری بات ہوئی ہے او ر وہ اپنی بات پر قائم ہیں ۔

اس سوال کہ ’’ کیاآپ وزیر اعلیٰ بن جائیں گے اور وزیر اعظم عمران خان بھی بچ جائیں گے

‘‘جس پر پرویز الٰہی نے کہاکہ ویزر اعلیٰ بھی بن جاؤنگا اور وزیر اعظم عمران خان بھی رہیں گے.

پرویز الٰہی نے کہاکہ آصف علی زر داری سے احترام کا رشتہ ہے اسی طرح رہے گا ۔

ایک سوال پر انہوں نے کہاکہ لندن میں مونس الٰہی کی جہانگیر ترین سے ملاقات نہیں ہوسکی

تاہم جہانگیر ترین کے بیٹے مونس الٰہی کی بات کروائی ہے ،

جہانگیر ترین گروپ (آج)بدھ کو میرے پاس آئیگا

۔وزیر اعظم کو ملنے والے دھمکی آمیز خط کے حوالے سے سوال پر پرویز الٰہی نے کہاکہ خط کے معاملے پر وزیر اعظم سے بات نہیں ہوئی ہے ۔

 

مریم نواز وزارت اعلیٰ تیار نہی

 

قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،