غیر ملکیوں کیلئے سستا ترین شہر کراچی، مہنگا ترین نیویارک قرار
کراچی: غیر ملکیوں کیلئے سستا ترین شہر
دوسرے ملکوں کے شہریوں کیلئے دنیا کے مہنگے ترین شہروں میں نیویارک سرفہرست تو سستے ترین شہروں میں کراچی پہلے نمبر پر آ گیا۔
مہنگے ترین شہروں میں ہانگ کانگ کا دوسرا نمبر، سوئیٹزر لینڈ یورپ کا مہنگا ترین شہر
سافٹ ویئر بنانے والی کمپنی ’’ ای سی اے انٹرنیشنل ‘‘ کی جانب سے جاری کردہ مہنگے اور سستے
ترین شہروں کی سالانہ رپورٹ جس میں دنیا کے 207 شہروں میں دوسرے ممالک کے شہریوں کو
درپیش اخراجات کا موازنہ کیا گیا ہے کے مطابق مہنگے ترین شہروں کی فہرست میں امریکہ کا شہر
نیویارک، ہانگ کانگ کو پیچھے چھوڑ کر پہلے نمبر پر آ گیا ہے، ہانگ کانگ اس سے قبل 4 سال تک
سرفہرست رہا لیکن 2023 میں یہ دوسرے نمبر پر ہے۔ تحقیق کے مطابق سوئٹزر لینڈ کا شہر جنیوا
یورپ کا مہنگا ترین اور غیر ملکیوں کیلئے دنیا کا تیسرا مہنگا ترین مقام رہا، لندن کے علاوہ برطانیہ
کے دیگر مہنگے ترین شہروں کی فہرست میں برمنگھم 115 ویں، کارڈف 118 ویں اور بیلفاسٹ 123
ویں نمبر پر ہیں جبکہ برمنگھم 16 درجے تنزلی کیساتھ روس کے سینٹ پیٹرز برگ سے صرف ایک
درجے اوپر ہے۔ رپورٹ میں بتایا گیا ہے کہ ایڈنبرا 90 ویں نمبر پر ہے جو گزشتہ سال کے 83 ویں
نمبر پر تھا، یہ لندن کے بعد برطانیہ کا دوسرا مہنگا ترین شہر بن گیا ہے۔
یورپ میں سب سے سستے شہروں میں اسکوپیہ اور تیمیسورا سرفہرست
ای سی اے انٹرنیشنل جو کمپنیوں کی مدد کیلئے تحقیق کرتی ہے تاکہ مختلف ممالک میں تنخواہوں
کے حساب کیلئے دنیا بھر میں زندگی گزارنے کے اخراجات کا اندازہ لگایا جا سکے۔ غیر ملکیوں
کیلئے سب سے سستا مقام 207 ویں نمبر پر موجود پاکستان کا سب سے زیادہ آبادی والا شہر کراچی
ہے۔ یورپ میں سب سے سستا مقدونیہ کا شہر اسکوپیہ ہے، جس کا عالمی سطح پر 197واں نمبر ہے،
اس کے بعد رومانیہ کا شہر تیمیسورا ہے جس کا عالمی سطح پر نمبر 193واں ہے۔ محققین کا کہنا
ہے کہ جمہوریہ آئرلینڈ کا دارالحکومت ڈبلن اس سال 6 درجے ترقی کیساتھ 38 ویں نمبر پر پہنچ گیا ہے۔
پڑھیں : 19ویں صدی کے بعد آنیوالا بدترین بحران، روٹی کی قیمت 30 ہزار پاؤنڈ
سروے میں صارفین کی ایسی اشیاء اور سروسز کا موازنہ کیا گیا ہے جو عام طور پر خریدی جاتی
ہیں، جیسا کہ کافی، چینی اور انڈے، گھریلو سامان اور نقل و حمل سمیت کھانے پینے کی اشیاء ہیں
جبکہ اس میں کرائے کے اخراجات کا موازنہ کرتے ہوئے رہائش کے اعداد و شمار بھی شامل ہیں۔
مطالعے کے مطابق 2023 میں تارکین وطن کیلئے 10 سب سے مہنگے شہروں میں بالترتیب نیویارک،
ہانگ کانگ، جنیوا، لندن، سنگاپور، زیورخ، سان فرانسسکو، تل ابیب، سیول اور ٹوکیو شامل ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
غیر ملکیوں کیلئے سستا ترین شہر ، غیر ملکیوں کیلئے سستا ترین شہر
= پڑھیں = پاکستان بھر سے مزید اہم اور تازہ ترین خبریں
About Author
