عوام ریڈ زون کے باہراحتجاج کریں ، میں بھی شریک ہونگا ،عمران خان
اسلام آباد (جے ٹی این پی کے) عوام ریڈ زون کے باہراحتجاج کریں
وزیراعظم عمران خان نے کہا ہے کہ ایم پی ایز کو خرید کر حکومت بنانا جمہوریت نہیں ہے،
پنجاب کے ایک ہوٹل میں لوگوں کی خرید و فروخت ہو رہی ہے،
اپوزیشن کی ساڑھے 3 سال میں این آر او لینے کی کوشش رہی ہے،
20 کروڑ دے کر ارکان اسمبلی کے ضمیر خریدے گئے،
ان کو این آر او ون مشرف نے دیا، این آر او ٹو یہ آکر لیں گے،
نواز شریف مجرم ہیں، ان کے بیٹے باہر بھاگے ہوئے ہیں،
ہم کہتے ہیں الیکشن لڑو، یہ سپریم کورٹ چلے گئے،
اپوزیشن رہنماوں پر کرپشن کیسز ہیں، ایم پی ایز کو خریدنا ہی چھانگا مانگا کی سیاست ہے،
منحرف ارکان کو جیلوں میں ڈالنا چاہیئے۔
عوام کے سوالات کا براہِ راست جواب دیتے ہوئے ان وزیر اعظم عمران خان نے کہا کہ آج کل جو پاکستان کی صورتحال بنی ہوئی ہے اس سلسلے میں سوچا ہے کہ میں آپ کے سامنے آکر آپ کے سوالات کا جواب دوں۔
ان کا کہنا تھا کہ میں نے اورمیری ٹیم نے اسمبلی تحلیل کرتے ہوئے الیکشن کروانے کا فیصلہ کیا ہے،
یہ اس لیے کیا گیا کہ ساڑھے تین سال سے اپوزیشن کہہ رہی تھی حکومت نا اہل ہے،
یہ عوام میں جائیں گے تو عوام انہیں انڈے ماریں گے۔
وزیر اعظم نے کہا کہ میں نے تو انتخابات کا اعلان کردیا ہے،
تو اب یہ سپریم کورٹ کیوں جارہے ہیں ،
یہ ہی آپ کہتے تھے کہ یہ حکومت نا اہل اور سلیکٹڈ ہے.
اب ہم نے الیکشن کا اعلان کردیا ہے تو آپ سپریم کورٹ میں کیا کر رہے ہیں؟
ان کا کہنا تھا کہ یہ چاہتے ہیں کہ حکومت بحال ہو،
عوام کے فیصلے سے واپس آنا بہتر ہے یا ایک باہر کی سازش کا حصہ بن کر،
پارلیمنٹرین کے ضمیر خرید کر حکومت بنانا بہتر ہے۔
عمران خان نے کہا کہ میں آپ کو بتایا چاہتا ہوں یہ ایسا کیوں چاہتے ہیں،
ان کی سب سے بڑی کوشش این آر او لینا ہے،
کیونکہ ان پر کرپشن کیسز ہیں، اور یہ ضمانت پر ہیں اور باہر بھاگے ہوئے ہیں،
میں نے صرف ان لوگون کو ٹکٹ دینا ہے جو ملک کا سوچتے ہیں،
اور میں خود ان کا انٹرویو کروں گا۔
وزیر اعظم نے عوام کو احتجاج کرنے کی ہدایت کردی۔
ان کا کہنا تھا کہ اس طرح کے حالات میں عوام کو احتجاج کرنا چاہیے.
میں اعلان کرتا ہوں کہ میں بھی اس احتجاج میں شامل ہوں گا،
ہم اسلام آباد میں ریڈ زون کے باہر پر امن احتجاج کریں گے۔
انہوں نے کہا کہ ہم ملک میں ہونے والی غداری کے خلاف احتجاج کریں گے،
یہ باہر کے ایجنڈے پر حکومت کو گرانے کی کوشش کی گئی ہے۔
وزیر اعظم نے لاہور میں بھی مذکورہ ہوٹل کے باہر احتجاج کی درخواست کی۔
انہوں نے کہا کہ میں اپنی قوم کو بتانا چاہتا ہوں پاکستان کی ٹیکسٹائل کی برآمدات ریکارڈ پر ہے،
دولت میں اضافہ ہوا ہے، ٹیکسز میں اضافہ ہوا ہے برآمدات میں اضافہ ہوا.
بیرون ملک پاکستانیوں نے ریکارڈ رقم بھیجی، جس کی وجہ سے ہمارا ملک مستحکم تھا۔
ان کا کہنا تھا کہ جب سے عدم اعتماد کی تحریک آئی ہے سارے ملک میں ایک بحران کا المیہ بنا ہوا ہے،
آپ کے روپے پر دبا آرہا ہے، کسی کو نہیں معلوم آگے کیا ہوگا،
یہ معاشی بحران کا سبب بنتا ہے۔
انہوں نے کہا کہ میں اپوزیشن سے پوچھنا چاہتا ہوں کہ ان کو کیا ضرورت تھی حکومت کو غیر مستحکم کرنے کی؟
ان کا پلان 6 ماہ سے چل رہا تھا جس کے شواہد ہمارے پاس موجود ہیں،
اسی لیے اسپیکر نے یہ تحریک مسترد کرنے کی رولنگ دی ہے۔
وزیر اعظم نے کہا کہ دوسری وجہ یہ تھی کہ انہیں فکر ہوگئی تھی کہ اگر ہماری حکومت نے 5 سال مکمل کر لیے تو ان کی سیاسی دکانیں بند ہوجائیں گی۔
عوام ریڈ زون کے باہراحتجاج کریں
قارئین : ہماری کاوش پسند آئے تو شیئر ، اپڈیٹ رہنے کیلئے فالو کریں
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
