عمران خان کو خطرہ ہے،اجتماع ملتوی کردیں، وزیر داخلہ
اسلام آباد (جے ٹی این پی کے) عمران خان کو خطرہ ہے
وفاقی وزیر داخلہ رانا ثنا اللہ نے کہا ہے کہ ایجنسیوں کی رپورٹ ہے،عمران خان کو خطرہ ہے، آج کا اجتماع ملتوی کردیا جائے، جلسے میں دہشت گردی ہوسکتی ہے۔
اسلام آباد میں نیوز کانفرنس کرتے ہوئے انہوں نے کہا کہ عمران خان کے پاس اب بھی وقت ہے، اجتماع ملتوی کردیں، یہ پاکستان کو سیاسی عدم استحکام اور معیشت کو تباہ کرنے کا مارچ ہے، یہ آزادی مارچ نہیں بلکہ فتنہ وفساد مارچ ہے،
یہ بھی پڑھیں : بجلی کے بلوں میں ہوشربا اضافہ، شہریوں کا احتجاج
عمران صاحب سے گزارش کرتا ہوں بے مقصد اجتماع نہ کریں، لانگ مارچ کے لیے 26 نومبر کی تاریخ کو خاص طور پر رکھا اب اس کا مقصد نہیں رہا،
عمران خان صاحب آپ کو پنڈی سے الیکشن کی تاریخ نہیں ملے گی،
آپ کو اسٹیبلشمنٹ الیکشن کی تاریخ نہیں لیکر دے گی بات پرانی ہوگئی۔
وزیر داخلہ نے مزید کہا کہ جو کچھ کر چکے آپ کی بلیک میلنگ میں ابھی تک کوئی نہیں آیا،
اسٹیبلشمنٹ بطور ادارہ اپنے آئینی رول سے پیچھے اور نا باہر جائے گی، الیکشن کی تاریخ لینی ہے تو سیاست دان بنیں،
اس قوم نے آپ کو سیاسی جماعت کا سربراہ بنایا ہے، جمہوری سسٹم میں حزب اختلاف اور حزب اقتدار گاڑی کے دوپہیے ہوتے ہیں۔
ان کا کہنا تھا کہ عمران خان کسی صورت کامیاب نہیں ہوسکتے،
سیاست دان بنیں اور پی ڈی ایم کی قیادت کے ساتھ بیٹھیں،
مولانا فضل الرحمان، زرداری، اخترمینگل، خالد مگسی کے ساتھ بیٹھ کر بات کریں،
آپ اگر نواز شریف، شہبازشریف سے ملنا چاہیں تو امید ہے وہ بھی انکار نہیں کریں گے،
اگرآپ کو اس حوالے سے میری مدد چاہیے تو دینے کو تیار ہوں،
آپ کا سیاسی مخالف ہوں دشمن نہیں۔
رانا ثنا اللہ نے کہا کہ آپ کی یہ سوچ کہ مخالف جماعتوں کیساتھ نہیں بیٹھوں گا اس کی کوئی گنجائش نہیں،
اگر آپ الیکشن کی تاریخ چاہتے ہیں تو سیاست دان بن کر سیاست دانوں کے ساتھ بیٹھیں،
میں نے الیکشن کرانے سے متعلق اتحادیوں کے فیصلے کو تبدیل ہوتے دیکھا ہے،
جب سیاست دان بیٹھتے ہیں تو پھر فیصلے تبدیل بھی ہوتے ہیں، اس طرف آپ امید مزید نہ رکھیں،
واپس آکر پارلیمنٹ کا حصہ بنیں۔انہوں نے کہا کہ اگر آپ یہ سب کچھ نہیں کریں گے تو پھر آپ سیاسی عدم استحکام اور عام آدمی کی مشکلات کے ذمہ دار ہونگے،
بے جا ضد نہ کریں، وفاقی وزیر نے کہا کہ سیاسی قیادت کے بیٹھنے سے ہی یہ معاملہ حل ہوگا،
عمران خان کو خطرہ ہے
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
About Author
