عمران خان کیلئے بطور سابق وزیراعظم سکیورٹی انتظام کیلئے وزرات داخلہ کو خط ارسال
اسلام آباد (جے ٹی این پی کے) عمران خان سابق وزیراعظم سکیورٹی انتظام
عمران خان کیلئے سابق وزیراعظم کی سکیورٹی کے انتظامات کی تیاریاں جاری ہیں۔
ذرائع کے مطابق وزیر اعظم کے پرنسپل سیکرٹری اعظم خان نے سیکرٹری داخلہ کو خط لکھ دیا ہے۔
خط میں کہا گیا ہے عمران خان کی سابق وزیراعظم کے طور پر سکیورٹی کا انتظام کیا جائے
اور سکیورٹی کے مجوزہ طریقہ کار کے تحت انتظامات عمل میں لائے جائیں۔
ذرائع نے بتایا خط میں سیکرٹری داخلہ کو کہا گیا ہے کہ سابق وزیراعظم کو کونسی سکیورٹی ملتی ہے، آگاہ کیا جائے۔
خط کے متن کے مطابق وزارت عظمیٰ سے الگ ہونے کے بعد سکیورٹی کی نوعیت کیا ہو گی؟
مکمل سکیورٹی جائزہ رپورٹ فراہم کی جائے۔
سیکرٹری داخلہ نے خط ایڈیشنل سیکرٹری داخلہ کو ضروری کارروائی کیلئے مارک کرد یا ۔
دوسری جانب وزیر داخلہ شیخ رشید نے بھی وزارت چھوڑنے پر سکیورٹی مانگ لی ہے
اور کہا ہے میری جان کو خطرہ ہے، رینجرز کی سکیورٹی بھی دی جائے۔
وزارت داخلہ کا کہنا ہے دونوں خطوط کا جائزہ لیا جارہا ہے،
پروٹوکول کے مطابق سابق وزیراعظم کو سکیورٹی فراہم کی جائیگی۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
