طارق بشیر چیمہ وزارت سے مستعفی ،عمران خان کیخلاف ووٹ دینے کا اعلان
اسلام آباد (جے ٹی این پی کے) طارق بشیر چیمہ وزارت سے مستعفی
وفاقی وزیر طارق بشیر چیمہ نے اپنی وزارت سے مستعفی ہونے اور تحریک عدم اعتماد میں اپوزیشن کا ساتھ دینے کا اعلان کردیا۔
نجی ٹی وی سے گفتگو میں مسلم لیگ (ق) کے ایم این اے طارق بشیر چیمہ نے کہا تھاکہ
میں نے واضح طور پرچوہدری شجاعت سے گزارش کی تھی کہ میں وفاقی کابینہ سے استعفیٰ دے رہا ہوں
اور عدم اعتماد میں عمران خان کے خلاف ووٹ دوں گا۔
انہوں نے کہا کہ میں نے ضمیر کی آواز کے مطابق کوشش کی ہے فیصلہ کروں۔
ان کا کہنا تھاکہ چوہدری شجاعت اور پرویز الٰہی دونوں میں کوئی فرق نہیں ہے،
میری اپنی سوچ اور ذہن ہے، جس نہج میں ملک کو لے جایا گیا ہے،
بہت بہتر انداز میں معاملات حل ہوسکتے تھے لیکن وزیراعظم نے بہت سارا وقت ضائع کردیا۔
ان کا کہنا تھاکہ بعض دفعہ ہمارے پاس کوئی چارہ نہیں ہوتا کہ ہم جیسے لوگ چپ کرکے مستعفی ہو کر بیٹھ جائیں۔
ایک سوال کے جواب میں کہا کہ پرویز الٰہی اپنے حوالے سے خود بتائیں گے،
چوہدری شجاعت میرے لیڈر اور صدر ہیں انہوں نے اجازت دی ہے۔
انہوں نے مزید کہا کہ عدم اعتماد کا ووٹ عمران خان کے خلاف ڈالوں گا،
مونس الٰہی کہیں گے تو خود ملنے جاؤں گا۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
