ضلع بنوں میں بڑی تبدیلی ، پولیس اور عوامی شکایات کی آڈیو، ویڈیو مانیٹرنگ شروع
پشاور ( آئی آر خان ) ضلع بنوں میں بڑی تبدیلی
صوبہ خیبر پختونخوا کے جنوبی ضلع بنوں میں پولیس یا عوام کی طرف سے کی گئی
بدسلوکی یا بدتمیزی کو آڈیو اور ویڈیو کی شکل میں محفوظ کرنا ممکن ہو گیا- جس کا
باقاعدہ افتتاح ڈی پی او آفس بنوں میں کیا گیا- اس موقع پر ڈی ایس پی ہیڈ کوارٹر محمد
ریاض خان خٹک ،پی ایس او رضوان خان،پبلک ریلیشن آفیسر محمد آصف حسن صدر بنوں
پریس کلب محمد عالم خان جنرل سیکرٹری عمردیا ز خان سمیت پولیس افسران موجود
تھے-
=-= ویڈیو کیم ریکارڈر کا مقصد شکایات کا منصفانہ ازالہ یقینی بنانا، عمران شاہد
ڈسٹرکٹ پولیس آفیسر بنوں عمران شاہد نے مددگار پولیس فورس اور ٹریفک وارڈنز پولیس
کو ابتدائی مرحلہ میں باڈی کیم ریکارڈر تقسیم کئے- بعدازاں ڈی پی او بنوں عمران شاہد
نے پریس کانفرنس کرتے ہوئے کہا کہ ویڈیو کیم ریکارڈر کا مقصد کرپشن کی روک تھام اور
شہریوں کے ساتھ پولیس کا رویہ جانچنا ہے، اور ساتھ ساتھ یہ بھی معلوم کرنا ہے کہ
عوام کا پولیس کے ساتھ رویہ کیسا رہتا ہے-
=-= ڈیوائس کی مدد سے تھانہ کلچر میں تبدیلی ممکن ہو گی، ڈی پی او
ڈی پی او بنوں نے کہا کہ مدد گار پولیس فورس کو یہ ڈیوائس اس لئے دیئے جا رہے ہیں،
تاکہ یہ معلوم ہو کہ تھانوں میں آنے والے سائلین کے ساتھ پولیس کا رویہ درست ہوتا ہے
یا نہیں، اور تھانے میں موجود محرر سٹاف کس طرح عوام سے پیش آتے ہیں، عوام کا جائز
کام بروقت ہو رہا ہے یا نہیں-
= پڑھیں = پشاور کے عوام ٹریفک وارڈنز کی کارکردگی سے خوش
پولیس یونیفارم میں نصب نئی ٹیکنالوجی کے باڈی کیم ریکارڈر سب کچھ ریکارڈ کریگا،
اکثر اوقات پولیس کے خلاف شکایات موصول ہوتی ہیں کہ پولیس کا رویہ عوام کیساتھ
انتہائی سخت رہتا ہے جو اب باڈی کیم ریکارڈر کے ذریعے سے پولیس کا عوام کے ساتھ
رویہ مانیٹر کیا جائیگا- یہ ڈیوائس اہلکار کے پولیس یونیفارم کے کندھے پر نصب ہو گی-
اس ڈیوائس میں ایچ ڈی ویڈیو، آڈیو کی ریکارڈنگ کی خصوصیت موجود ہے، ریکارڈ کو
کسی بھی وقت ضرورت پڑنے پر چیک کیا جاسکے گا- اب پولیس یا عوام کی طرف سے
کی گئی بدسلوکی یا بدتمیزی کو آڈیو، ویڈیو شکل میں محفوظ کیا جائیگا۔
۔۔۔ نوٹ ۔۔۔ قارئین ہماری کاوش پسند آئے تو ’’ فالو ‘‘ کریں ، مزید بہتری کیلئے اپنی قیمتی آرا سے بھی ضرور
نوازیں ، شکریہ ،
جتن انتظامیہ
ضلع بنوں میں بڑی تبدیلی ، ضلع بنوں میں بڑی تبدیلی ، ضلع بنوں میں بڑی تبدیلی
About Author
