شہزادہ ہیری اور میگھن کی کہانی پر بنی ڈاکومینٹری کا ٹریلر سب کو بھا گیا

نیویارک:جے ٹی این پی کے نیوز: شہزادہ ہیری اور میگھن کی کہانی

برطانوی شاہی خاندان کے شہزادہ ہیری اور میگھن مارکل کی زندگی کی کہانی پر مبنی ڈاکومینٹری کا ٹریلر نیٹ فلکس پر جاری کر دیا گیا۔

رپورٹ کے مطابق 88 ملین پاونڈ کی لاگت سے تیار کی گئی یہ ڈاکومنٹری 6 قسطوں پر مشتمل ہے جس کو اگلے ہفتے اسٹریمنگ سروس نیٹ فلکس پر ریلیز کیا جائے گا۔

شہزادہ ہیری کو فوجی لباس پہننے سے روک دیا گیا

ہیری اینڈ میگھن کے نام سے بنائی گئی اس ڈاکومنٹری میں

اس جوڑے کے بطور ڈیوک اور ڈچز آف سسیکس سے لے کر

شاہی فرائض چھوڑ کر امریکہ منتقلی سمیت دیگر چند رومانی اور دلکش تصاویر شامل ہیں۔

ڈاکومینٹری کے پرومو میں جب شاہی جوڑے سے سوال کیا

گیا کہ وہ کیوں یہ ڈاکومینٹری بنانا چاہتے ہیں تو شہزادہ ہیری

نے جواب دیتے ہوئے کہا کہ بند دروازوں کے پیچھے کیا ہوتا

ہے کوئی نہیں دیکھ سکتا، لہٰذا مجھے اپنے خاندان کو تحفظ دینے کے لیے سب کچھ کرنا پڑا ہے۔

میگھن کی ملکہ کیساتھ رہنے کی درخواست رد

جبکہ میگھن مارکل کا کہنا تھا کہ جب معاملات اس طرح داو

پر لگ جائیں تو کیا یہ بہتر نہیں کہ لوگ ہماری کہانی کو زیادہ

توجہ سے سنیں؟ شاہی جوڑے کی اس ڈاکومنٹری کے ٹریلر نے

ان کے مداحوں کو تجسس میں مبتلا کر دیا ہے جس کے بعد

مداح بے صبری سے اس کی ریلیز کا انتظار کر رہے ہیں۔

یاد رہے کہ شہزادے ہیری اور ولیم کی والدہ شہزادی ڈیانا نے

بھی اپنی زندگی میں ایک ایسا ہی انٹرویو دیا تھا جس میں انہوں

نے اپنی شادی شدہ زندگی میں پیش آنے والے واقعات اور شاہی

خاندان میں رہتے ہوئے پیش آنے والی سخت مشکلات کے بارے میں کھل کر بات کی تھی۔

قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ

شہزادہ ہیری اور میگھن کی کہانی ،

= پڑھیں = دنیا بھر سے مزید تازہ ترین اور اہم خبریں