شام میں شادی خواب بن گئی،سوشل میڈیا پر طنزیہ تبصروں کی بھرمار
دمشق(جے ٹی این پی کے) شام میں شادی خواب بن گئی
شام کو برسوں سے بدترین معاشی بحران کا سامنا ہے۔ جنگ زدہ ملک میں 21 قیراط سونے کے ایک گرام کی قیمت 250,000پائونڈ ریکارڈ کی گئی تھی اور اس کی قیمت خرید 249,500شامی پائونڈ تھی۔
سوشل میڈیا اور شامی حلقے سونے کی بڑھتی قیمت پر پریشان دکھائی دیتے ہیں۔
دمشق میں زرگروں اور زیور سازوں کی انجمن نے ایک بلیٹن میں بتایا 18قیراط سونے کے ایک گرام کی فروخت کی قیمت دو لاکھ 14 ہزار 286 شامی پانڈ ہے اور اس کی قیمت خرید 2 لاکھ 13 ہزار 786 پانڈ ہے۔
انہوں نے مزید کہا کہ اس ماہ کے آغاز سے سونے کی قیمت میں تقریبا 19 ہزار پانڈ فی گرام کا اضافہ ہوا ہے
کیونکہ 21 قیراط فی گرام سونے کی فروخت کی قیمت 231،000 پانڈ مقرر کی گئی تھی
اور 18قیراط فی گرام سونے کی فروخت کی قیمت 198,000 شامی پانڈ تھی۔
یہ خبر پھیلتے ہی سماجی رابطوں کی ویب سائٹس پر طنزیہ تبصروں کی بھرمار دیکھی جا رہی ہے۔
زیادہ تر تبصروں میں شادی کے حوالے سے بات کی گئی ہے۔
سماجی کارکنوں کا کہنا ہے کہ سونا مہنگا ہونے سے اب شادی ایک خواب ہی لگتی ہے۔
ایک صارف کے مطابق شام میں سرکاری ملازم کی تنخواہ 80 ڈالر سے زیادہ نہیں ہے جبکہ سونے کی قیمتیں بڑھ گئی ہیں۔
مزید برآں سمندر پار شامیوں کی ترسیل زر اب شام میں زندگی کے تمام بوجھ اور اخراجات کو پورا کرنے کے لیے کافی نہیں ہے۔
امر قابل ذکر ہے کہ یوکرین میں روسی فوجی آپریشن کے آغاز کے بعد سے عالمی سطح پر سونے
کی قیمتیں متاثر ہوئی ہیں۔
شام کی مقامی مارکیٹ میں بھی اس کی قیمتوں میں اتار چڑھا دیکھا گیا اور بعض اوقات
بین الاقوامی قیمتوں سے زیادہ قیمتیں ریکارڈ کی گئیں۔
اس میں لیرا کی قدر میں گراوٹ کے علاوہ ایندھن، توانائی اور روٹی سمیت بہت سے بحران بھی شامل ہیں،
جس سے زندگی کے تمام پہلوں پر تباہ کن اثرات مرتب ہوئے۔
ان بحرانوں کی وجہ سے شام میں زندگی مشکل ہو گئی ہے۔
شام میں شادی خواب بن گئی
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : باقاعدگی سے قیلولہ کرنا بلند فشار خون اور فالج کا سبب بن سکتا ہے، تحقیق
