سکیورٹی فورسز سے مقابلے میں 7 دہشت گرد ہلاک، کیپٹن سمیت 8جوان شہید
ٹانک،جنوبی وزیرستان (ایس جے شیرازی سے) سکیورٹی فورسز سے مقابلے میں
خیبرپختونخوا میں امن دشمنوں کیخلاف لڑتے ہوئے پاک فوج کے کیپٹن سمیت 8جوان شہادت کے رتبے پر فائز ہو گئے،
کارروائی میں سات دہشت گرد بھی جہنم واصل ہوئے۔
آئی ایس پی آر کے مطابق ضلع ٹانک میں تین دہشتگردوں نے فوجی کمپاؤنڈ میں داخل ہونے کی کوشش کی،
جسے ناکام بنا تے ہوئے فورسز نے گھیرے میں لیکر تینوں دہشتگردوں کو جہنم واصل کر دیا۔
فائرنگ کے تبادلے کے دوران پاک فوج کے 6 جوانوں نے بہادری سے لڑتے ہوئے شہادت کو گلے لگا لیا۔
آئی ایس پی آر کے مطابق شہداء میں نوشہرو فیروز کے 48 سالہ صوبیدار میجر شیر محمد،
خیرپور کے 39 سالہ نائب صوبیدار زبید، راولپنڈی کے 39 سالہ حوالدار سہیل،
ٹنڈو الہ یار کے 36 سالہ لانس نائیک غلام ، خیرپور کے 32 سالہ سپاہی مسکین علی،
سکھر کے 37 سالہ سپاہی میر محمد نے وطن کی خاطر جان کی قربانی دی۔
اس سے قبل جنوبی وزیر ستان میں سکیورٹی فورسز کے ساتھ جھڑپ میں 4 دہشت گرد مارے گئے،
ایک کیپٹن اور جوان نے مادر وطن پر لہو نچھاور کر دیا۔
فائرنگ کے تبادلے میں 4 دہشت گردہلاک ہو گئے۔
کیپٹن سعد بن عامر اور لانس نائیک ریاض شہید ہوگئے،
25 سالہ کیپٹن سعد بن عامر کا تعلق راولپنڈی جبکہ 37 سالہ لانس نائیک ریاض ٹانک کے رہائشی تھے،
دونوں بہادری سے لڑتے ہوئے جام شہادت نوش کر گئے،
علاقے سے دہشت گردوں کا صفایا کرنے کیلئے کلیئرنس آپریشن بھی کیا گیا،
ترجمان نے یہ عزم دہرایا کہ پاک فوج دہشت گردی کے لعنت کے خاتمے کے لئے پرعزم ہے
اور بہادر افسران اور جوانوں کی قربانیاں دہشت گردی کے خلاف ہمارے عزم کو مزید مضبوط کرتی ہیں۔
دوسری جانب وزیراعلیٰ خیبر پختونخوا محمود خان نے کیپٹن اور لانس نائیک کی شہادت پر اظہار تعزیت کیا۔
وزیراعلیٰ خیبرپختونخوا نے کہا کہ شہدا کے اہل خانہ کے غم میں برابر کے شریک ہیں،
دہشتگردی کیخلاف جنگ میں سیکیورٹی فورسز نے لازوال قربانیاں دیں۔
انہوں نے کہا کہ دہشتگردی کیخلاف جنگ میں پوری قوم سیکیورٹی فورسز کیساتھ کھڑی ہے۔
سکیورٹی فورسز سے مقابلے میں
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
