سپریم کورٹ سے تحفظ چاہتے ہیں ،فیصلہ آنے کے بعد احتجاج کا اعلان کرونگا ،عمران خان
پشاور(جے ٹی این پی کے) سپریم کورٹ سے تحفظ چاہتے ہیں
چیئرمین تحریک انصاف عمران خان عام انتخابات کے اعلان کیلئے حکومت کو دی
گئی 6روز کی ڈیڈ لائن سے پیچھے ہٹ گئے۔
ملک کیلئے فیصلہ کن وقت ہے
عمران خان نے پشاور میں سوشل میڈیا کانفرنس سے خطاب کرتے ہوئے کہا کہ
ملک کیلئے فیصلہ کن وقت ہے اور انصاف کی جنگ ہے، اس جدوجہد کوسیاست
نہیں،جہاد سمجھیں، حکومت کوشش کررہی ہے لوگوں کو ڈرائے دھمکائے،
لوگوں پر گولیاں برسانے کا مقصد خوف پھیلانا تھا، جو شیلز دہشت گردوں پر
استعمال کیے جاتے ہیں، وہی مارچ میں استعمال ہوئے۔
30سال سے جرم کرنے والے آج اوپر آکر بیٹھ گئے
عمران خان نے کہا کہ 30سال سے جرم کرنے والے آج اوپر آکر بیٹھ گئے ہیں ،
شہباز شریف،رانا ثنااللہ نے دن دیہاڑے 14لوگوں کا قتل کیا، ماڈل ٹائون میں
14قتل ہوئے ان لوگوں کو اس وقت جیل میں ہونا چاہیے، لٹیروں اور قاتلوں
کو شکست دے دی تو پاکستان اوپر چلا جائے گا۔چیئرمین تحریک انصاف کا
کہنا تھا کہ آج سپریم کورٹ میں ہم نے درخواست دائر کردی ہے، سپریم کورٹ سے
تحفظ چاہتے ہیں کہ کیا ہمیں پرامن احتجاج کا حق حاصل ہے اور کیا عدلیہ
ان مجرموں کو خواتین اور بچوں پر تشدد کی اجازت دے سکتی ہے،
عدالتیں کمزور کو تحفظ دینے کیلئے بنتی ہیں
سپریم کورٹ کا فیصلہ آنے کے بعد ہی اعلان کروں گا اور پھر ہم نکلیں گے،
عدالتیں کمزور کو تحفظ دینے کیلئے بنتی ہیں، اس بار ہم تیاری کرکے جائیں
گے اور پچھلی غلطیاں نہیں دہرائیں گے۔عمران خان نے مزید کہا کہ سب
سے بزدل ظالم ہوتا ہے، طاقتور بڑے نہیں چھوٹے چور پکڑتے ہیں، عدالتیں
کمزوروں کو طاقتور کرنے کے لیے بنتی ہیں، اللہ کسی کو اجازت نہیں
دیتا کہ وہ کہے کہ میں نیوٹرل ہوں۔انہوں نے کہا کہ ملک کے لیے فیصلہ
کن وقت ہے، طاقتور خود کو قانون سے بالا تر سمجھتا ہے،
امپورٹڈ حکومت کیخلاف جدوجہد کو سیاست نہیں جہاد سمجھیں
امپورٹڈ حکومت کیخلاف جدوجہد کو سیاست نہیں جہاد سمجھیں۔ حق کے
راستے پر چلتے ہیں تو بات ذات سے بہت آگے نکل جاتی ہے، ان چوروں
کیساتھ کبھی نہ کبھی جنگ لڑنی پڑے گی، جس طرح ظلم کر کے شیلنگ
کی گئی یہ جنرل ڈائر کر سکتا ہے، پاکستان کے 62سالوں میں 30سال
فوج نے اور 30سال ان دو خاندانوں نے حکومت کی، انصاف کی ضرورت
تو کمزور کو ہے، طاقتور تو خود قانون سے بالاتر ہے، ہم ان لوگوں کو
شکست دیں گے تو پاکستان اوپر چلا جائے گا۔سوشل میڈیا ٹیم سے ملاقات
کے دوران عمران خان نے اپنے پشاور میں قیام کی وجہ بتاتے ہوئے کہا
کہ حکومت بنی گالہ سیل کر کے مجھے نظر بند کرنا چاہتی تھی، حکومت
کسی بھی طرح ہماری تحریک کو ناکام کرنا چاہتی ہے، مجھے نظر بند کرتے
تو غیر موجودگی میں عوام کا حوصلہ کم پڑ سکتا تھا۔
سپریم کورٹ سے تحفظ چاہتے ہیں
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
