سٹاک مارکیٹ میں زبردست تیزی ، ڈالر بھی مزید3 روپے سستا
کراچی(جے ٹی این پی کے) سٹاک مارکیٹ میں زبردست تیزی
متحدہ اپوزیشن کی وزیراعظم کے خلاف تحریک عدم اعتماد کامیاب ہونے
کے بعد نئے وزیراعظم کے انتخابی عمل سے سیاسی افق پر بحرانی کیفیت
کا خاتمہ ہونے کے مثبت اثرات پیر کو پاکستان اسٹاک ایکس چینج کی سرگرمیوں
پر بھی مرتب ہوئے جہاں رونما ہونے والی تیزی کی بڑی لہر کے باعث انڈیکس
کی 45000 اور 46000 پوائنٹس کی دو نفسیاتی حدیں عبور ہوگئیں۔
سٹاک مارکیٹ کے حصص کی قیمتیں بڑھ گئیں
تیزی کے سبب 85.49فیصد حصص کی قیمتیں بڑھ گئیں جبکہ حصص کی مالیت
میں 2کھرب 36ارب 15کروڑ 17لاکھ 39ہزار 62روپے کا اضافہ ہوگیا۔سرمایہ
کاری کے تمام شعبوں کی جانب سے انڈیکس کے ہر آئٹم میں بڑھتی ہوئی سرمایہ
کاری کے نتیجے میں کاروبار کے ابتدائی دورانیے میں انڈیکس کی 45000
پوائنٹس کی نفسیاتی سطح عبور ہوگئی تھی جس کے بعد شعبہ جاتی بنیادوں پر
تازہ سرمایہ کاری کے نتیجے میں انڈیکس کی 46000 پوائنٹس کی نفسیاتی حد
بھی عبور ہوگئی۔
ڈالر کی قدر میں مزید 1 روپے 98 پیسےکی کمی
ملک میں آئینی بحران ختم ہونے کے بعد سیاسی حالات واضح ہونے کے بعد
ایکسپورٹرز کی زرمبادلہ کی صورت میں موصول ہونے والے برآمدی آمدنی
کا عمل تیز ہونے جیسے عوامل ڈالر کی مزید تنزلی کا باعث بنی۔دوسری جانب
انٹر بینک مارکیٹ میں ڈالر کی قدر میں مزید 1 روپے 98 پیسے
کی کمی ہوئی جس کے بعد ایک ڈالر 183 روپے سے بھی نیچے آ گیا ہے اسی
طرح اوپن مارکیٹ میں ڈالر 185 روپے پر اْگیا۔انٹربینک مارکیٹ میں پیر کو روپے
کی نسبت ڈالر کی قدر 1.98 روپے کی مزید کمی سے 182.92 روپے کی سطح پر
بند ہوئی جبکہ اوپن کرنسی مارکیٹ میں ڈالر کی قدر 3 روپے کی کمی سے 185
روپے کی سطح پر بند ہوئی۔گورنر اسٹیٹ بینک کی جانب سے معاشی اشارئیے مضبوط
ہونے اور آئی ایم ایفپروگرام جاری رہنے کی خبر نے بھی ڈالر کی نسبت روپیہ کو تگڑا
کرنے کا باعث بنا۔
خام تیل کی قیمت 100 ڈالر فی بیرل سے نیچے آ گئی
دوسری جانب ماہرین کا کہنا ہے کہ عالمی مارکیٹ میں خام تیل کی فی بیرل قیمت
100 ڈالر سے نیچے آنے پر پاکستانی معیشت پر زرمبادلہ کا دباؤ گھٹنے کی امید
اور درآمدی بل کے حجم میں کمی کے امکانات بھی زرمبادلہ مارکیٹ پر اثرانداز
رہے جس سے ڈالر کی قدر میں بتدریج کمی توقع کی جارہی ہے۔
سونے کے نرخوں میں کمی کا سلسلہ جاری
سونے کی نرخوں میں کاروباری ہفتے کے آغاز پر عالمی مارکیٹ میں سونے کی
قیمت میں اضافہ ہوا ہے تاہم مقامی صرافہ مارکیٹوں میں قیمت میں کمی دیکھنے میں
آئی ہے۔بین الاقوامی بلین مارکیٹ میں فی اونس سونے کی قیمت 5 ڈالر کے اضافے
سے 1953 ڈالر کی سطح پر آنے کے باوجود مقامی صرافہ مارکیٹوں میں پیر کو
سونے کی فی تولہ اور دس گرام کی قیمتوں میں بالترتیب 900 روپے اور 772
روپے کی کمی واقع ہوئی۔
سٹاک مارکیٹ
سٹاک مارکیٹ میں زبردست تیزی
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
