سعودی تعلیمی نصاب میں کاپی رائٹ کا مضمون شامل کرنے کا فیصلہ
ریاض (جے ٹی این پی کے) سعودی تعلیمی نصاب میں کاپی رائٹ
سعودی عرب کی اتھارٹی برائے دانشورانہ املاک نے وزارت تعلیم کیساتھ شراکت کے تحت نصاب تعلیم میں کاپی رائٹس کے موضوعات شامل کرنے کے منصوبے پر عملدرآمد شروع کرنے کا اعلان کر دیا۔
اقدام کا مقصد طلبہ کو تخلیقی سوچ، اختراعی مہارتوں کے حصول کے قابل بنانے کیلئے ضروری علم، اقدار اور مہارتیں بہم پہنچانا ، انہیں روزمرہ کی زندگی میں استعمال کرنا ہے۔
تخلیق کاروں کے اخلاقی و مادی حقوق کے تحفظ کیلئے طرز عمل کو
فروغ دینا، نیز ان میں اضافہ کرنا ہے۔
مملکت کے وژن 2030 کے مطابق قومی معیشت کو سپورٹ کرنے میں دانشورانہ املاک کے قوانین، کنٹرولز اور قوانین سے متعلق آگاہی اور انکی اہمیت کو اجاگر کرنا ہے۔ اتھارٹی کے سی ای او ڈاکٹر عبدالعزیز بن محمد السویلم نے دانشورانہ املاک میں دلچسپی اور تحفظ کیلئے مملکت کی قیادت کا تہہ دل سے شکریہ ادا کیا۔
انہوں نے کہا حکومت کی توجہ سے سعودی اتھارٹی برائے انٹلیک چوئل پراپرٹی بہت سی کامیابیاں سمیٹنے میں کامیاب رہی۔
تخلیق کاروں اور اختراع کرنیوالوں کی دلچسپی کیساتھ ساتھ ملک کے
تخلیق کاروں کی حمایت اور ایک باشعور معاشرے کی تعمیر اور انسانی
تخلیقات سے بھرپور مستقبل کی طرف قدم اٹھانے میں مدد فراہم کی۔
نصاب تعلیم میں کاپی رائٹ کے موضوعات تعلیمی مرحلے کے حوالے سے شامل کیے جائیں گے۔
طلبہ کے ذہنی و فکری معیار کو مدنظر رکھ کر موضوعات پڑھائے جائیں گے۔
سعودی وزارت تعلیم اور سعودی کاپی رائٹ اتھارٹی کی شراکت سے متعدد انیشیٹو اور پروگرام شروع کیے جائیں گے۔
اساتذہ کو کاپی رائٹ کے حوالے سے ٹریننگ کورس کرائے جائیں گے۔
کورین کاپی رائٹ ایجنسی اس سلسلے میں تعاون کرے گی۔
کاپی رائٹ کی تعلیم کے جدید طریقوں سے اساتذہ کو آگاہ کیا جائے گا۔
سعودی تعلیمی نصاب میں کاپی رائٹ
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : دبئی میں سکول فیسوں کی ادائیگی اب ڈیجیٹل کرنسی میں ہو گی
