رشی سونک کنزرویٹیوپارٹی کے سربراہ منتخب، جلدبرطانوی وزیراعظم کا عہدہ سنبھالینگے
لندن (جے ٹی این پی کے) رشی سونک کنزرویٹیوپارٹی کے سربراہ
بھارتی نژاد برطانوی سیاستدان رشی سونک بلامقابلہ کنزرویٹیوپارٹی کے سربراہ منتخب ہوگئے جس کے بعد وہ ملک کے اگلے وزیراعظم ہونگے۔
کنزر ویٹیو پارٹی کی سربراہی کی دوڑ میں رشی سونک اور پینی مورڈنٹ شریک تھے تاہم پینی مورڈنٹ مطلوب 100 ٹوری ارکان پارلیمنٹ کی حمایت حاصل نہ کرسکیں جس کے بعد وہ دوڑ سے دستبردار ہوگئیں۔
امریکہ، برطانیہ اور آسٹریلیا کا جوہری پھیلاؤ خطرناک تخریبی عمل
پارٹی کے ریٹرننگ آفیسر نے بھی 42 سا لہ رشی سونک کے بلامقابلہ سربراہ منتخب ہونے کا اعلان کیا۔
پارٹی سربراہی ملنے کے بعد رشی سونگ برطانیہ کے وزیراعظم ہونگے اور وہ پہلے ایشیائی نژاد برطانوی وزیراعظم ہونگے۔
رشی سونک برطانیہ کے 57ویں وزیراعظم ہونگے اور وہ گزشتہ تین ماہ کے دوران برطانیہ کے تیسر ے وزیراعظم ہیں جبکہ رشی سْونک برطانیہ کے وزیر خزانہ بھی رہ چکے ہیں۔
رشی سونک کے والد ڈاکٹر اور والدہ فارماسسٹ تھیں اور دونوں کا تعلق بھارتی پنجاب سے تھا۔
رشی سونک ’انفوسس‘ کے بانی این آر نارائن مورتی کے داماد ہیں،
رشی سونک کی اہلیہ اکشتا مورتی برطانیہ کی امیر ترین خواتین کی فہرست میں شامل ہیں۔
خیال رہے گزشتہ دنوں برطانوی وزیراعظم لز ٹرس نے اپنے عہدے سے مستعفی ہونے کا اعلان
کیا تھا اور وہ صرف 45 روز ہی عہدے پر رہیں،
جبکہ بورس جانسن کے وزیراعظم بننے کی دوڑ میں شامل ہونے کا فیصلہ ترک کردیا تھا۔
سابق وزیراعظم بورس جانسن کریبین میں چھٹیاں گزارنے گئے ہوئے تھے مگر لِز ٹرس کے
مستعفی ہونے کے بعد نئے وزیراعظم کی دوڑ میں شامل ہونے کیلئے واپس پہنچ گئے تھے،
لیکن عین وقت پر وزارت عظمیٰ کی دوڑ میں شرکت کا فیصلہ واپس لے لیا۔
رشی سونک کنزرویٹیوپارٹی کے سربراہ
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
