دنیائے کرکٹ کے وہ پانچ ریکارڈز جنہیں توڑنا ناممکن
لاہور: دنیائے کرکٹ کے وہ پانچ ریکارڈز جنہیں توڑنا ناممکن
دنیائے کرکٹ میں سب سے بڑے پانچ ریکاڈز ایسے بھی ہیں جن کا ٹوٹنا ناممکن سمجھا جاتا ہے۔ ان میں سے ایک ریکارڈ بھارتی کرکٹ ٹیم کے کپتان روہت شرما کا ایک روزہ بین الاقوامی کرکٹ میں 3 ڈبل سنچریاں بنانا ہے۔ روہت کے نام ایک روزہ بین الاقوامی کرکٹ میں 264 رنز کی اننگز کھیلنے کا عالمی ریکارڈ ہے۔ روہت کا یہ انوکھا ریکارڈ مستقبل قریب میں ٹوٹتا نظر نہیں آ رہا ہے۔
عالمی کرکٹ میں ہٹ مین کے نام سے مشہور روہت نے یہ ریکارڈ سری لنکا کیخلاف بنایا تھا۔
35 سالہ روہت شرما نے 13 نومبر 2014 کو کولکاتہ کے تاریخی ایڈن گارڈنز سٹیڈیم میں سری لنکا کیخلاف سیریز کے چوتھے ون ڈے میچ کا آغاز کرتے ہوئے 264 رنز کی اننگز کھیلی تھی،
جس میں 33 چوکے اور 9 چھکے شامل تھے۔ روہت نے یہ سکور 173 گیندوں پر بنایا تھا۔
انہوں نے 151 گیندوں میں 200 رنز مکمل کیے، جبکہ پہلے سو رنز 100 گیندوں میں بنائے تھے۔
انہوں نے 125 گیندوں میں 150 کا ہندسہ عبور کیا جبکہ ڈبل سنچری کیلئے 151 گیندیں لیں۔
لٹل ماسٹر کرکٹر سچن تیندولکر نے اپنے 24 سالہ انٹرنیشنل کرکٹ کیرئیر میں کئی ریکارڈ اپنے نام کیے ہیں،
لیکن بین الاقوامی کرکٹ میں ان کی سنچریوں کا ریکارڈ آج بھی نہیں ٹوٹا۔
سچن کے اس ریکارڈ کو توڑنا آسان بھی نہیں ہے۔
حالانکہ ورات کوہلی نے بین الاقوامی کرکٹ میں 77 سنچریاں ضرور بنائی ہیں لیکن کوہلی کیلئے تیندولکر کے اس ریکارڈ کو توڑنا آسان نہیں ہو گا۔
سچن تیندولکر نے 200 ٹیسٹ میچوں میں 51 سنچریاں بنائی ہیں جبکہ ون ڈے میں ان کے نام 49 سنچریاں ہیں۔
سچن کے نام ایک روزہ بین الاقوامی کرکٹ میں ریکارڈ 18426 رنز ہیں جو ایک عالمی ریکارڈ ہے۔
سری لنکا کے لیجنڈ اسپنر متھیا مرلی دھرن نے اپنے کرکٹ کیرئیر میں گیند بازی میں کئی ریکارڈ بنائے اور کئی ریکارڈ توڑے۔
مرلی کے بارے میں کہا جاتا ہے کہ وہ شیشے پر بھی گیند کو گھمانے کی صلاحیت رکھتے تھے۔
مرلی دھرن کے نام بین الاقوامی کرکٹ میں 1300 سے زائد وکٹیں ہیں جو ایک عالمی ریکارڈ ہے۔
اپنے دور میں اپنی اسپن گیند بازی سے دنیا کے عظیم بلے بازوں کے دلوں میں خوف پیدا کرنیوالے مرلی دھرن نے 133 ٹیسٹ میچوں میں سب سے زیادہ 800 وکٹیں حاصل کی ہیں،
جبکہ 350 ون ڈے میچوں میں ان کے نام 534 وکٹیں ہیں۔
مرلی دھرن نے 12 ٹی ٹوئنٹی میچوں میں 13 آئوٹ کئے۔
اس طرح ان کے نام 1347 بین الاقوامی وکٹیں ہیں۔
ویسٹ انڈیز کے لیجنڈ کرکٹر برائن لارا جدید کرکٹ کے بہترین بلے بازوں میں سے ایک ہیں۔
برائن لارا ایک بار کریز پر جم جاتے تھے تو گیند بازوں کیلئے انہیں آئوٹ کرنا مشکل ہو جاتا تھا۔
ویسٹ انڈیز کے سابق بائیں ہاتھ کے بلے باز لارا کا ٹیسٹ کرکٹ میں ایک ایسا عالمی ریکارڈ ہے جسے توڑنا آج کے بلے بازوں کے لئے آسان نہیں ہے۔
برائن لارا نے 2004 میں سینٹ جانز میں انگلینڈ کیخلاف 400 رنز کی اننگز کھیلی تھی۔
اس دوران انہوں نے آسٹریلیائی اوپنر میتھیو ہیڈن کا 381 رنز کا ریکارڈ توڑ دیا تھا۔
لیکن لارا کا یہ عالمی ریکارڈ شاید ہی کبھی ٹوٹے۔
جنوبی افریقہ کے مسٹر 360 ڈگری کہے جانیوالے تجربہ کار بلے باز اے بی ڈی ویلیئرز کا ونڈے میں 31 گیندوں پر سنچری بنانے کا عالمی ریکارڈ ہے، جسے توڑنا تقریبا ناممکن ہے۔
ڈی ویلیئرز نے یہ ریکارڈ 2015 میں ویسٹ انڈیز کیخلاف جوہانسبرگ میں بنایا تھا۔
انہوں نے 44 گیندوں پر 149 رنز بنائے تھے، یہ ایک روزہ بین الاقوامی کرکٹ کی تیز ترین سنچری ہے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
دنیائے کرکٹ کے وہ پانچ ریکارڈز , دنیائے کرکٹ کے وہ پانچ ریکارڈز , دنیائے کرکٹ کے وہ پانچ ریکارڈز
===> دنیا بھر سے کھیل و کھلاڑیوں کی خبریں (== پڑھیں ==)
About Author
