دفتر کا کام گھر بیٹھ کرکرناآفس آنیوالوں سے زیادتی،ایلون مسک
نیویارک:(جے ٹی این پی کے) دفتر کا کام گھر بیٹھ کر
ٹیسلا اور اسپیس ایکس کے بانی ایلون مسک نے دفتر کا کام گھر سے کرنےوالوں پر کڑی تنقید کرتے ہوئے اسے دفتر آنےوالوں کےساتھ زیادتی اور اخلاقی اعتبار سے غلط قرار دےدیا۔
غیر ملکی میڈیا رپورٹس کے مطابق بین الاقوامی چینل کو انٹرویو دیتے ہوئے ایلون مسک نے گھر سے کام کرنےوالوں کو آڑے ہاتھوں لے لیا ،انہوں نے کہا یہ ان لوگوں کےساتھ زیادتی ہے جو اپنا کام گھر سے نہیں کرسکتے اور انہیں ہر صورت دفتر آنا پڑتا ہے۔
گھر سے لیپ ٹاپ پر بیٹھ کر کام کرنے سے پیداواری صلاحیت کم ہوتی ہے
ایک سوال کے جواب میں انہوں نے کہا کہ گھر سے لیپ ٹاپ پر بیٹھ کر کام کرنے سے پیداواری صلاحیت کم ہوتی ہے اس کےساتھ ہی فیکٹری ورکرز اور دیگر ملازمین جنہیں یہ سہولت میسر نہیں، ان پر غلط تاثر جاتا ہے۔
انہوں نے کہا لوگ گھر تعمیر کرتے ہیں، گاڑیاں بناتے، کھانا پکاتے ہیں یا پھر گھر یا گاڑی کی مرمت کرتے ہیں انہیں ہر صورت دفتر جانا پڑتا ہے اور آپ گھر سے کام کر رہے ہیں۔
یہ صرف پیداواری صلاحیت کی بات نہیں یہ اخلاقی اعتبار سے بھی درست نہیں ہے۔
خیال رہے عالمی وبا کورونا کی ہنگامی صورتحال ختم ہونے کے بعد سے ایلون مسک نے ہمیشہ اس بات پر زور دیا کہ ہر ایک کو دفتر کا کام دفتر سے ہی کرنا چاہیے ،جبکہ انہوں نے گزشتہ برس ٹیسلا کے ملازمین کو الٹی میٹم جاری کرتے ہوئے انہیں ہفتے میں کم از کم 40 گھنٹے دفتر سے کام کرنے کو لازمی قرار دے دیتے ہوئے کہا تھا لیپ ٹاپ کلاس لا لا لینڈ میں رہ رہی ہے۔
دفتر کا کام گھر بیٹھ کر
