داعش یا کسی اور کو اپنی سلامتی سے کھیلنے کی اجازت نہیں دینگے ،ایران
تہران (جے ٹی این پی کے) داعش یا کسی اور کو اپنی
ایرانی وزیر خارجہ حسین امیر عبداللہیان نے کہاہے ایران شیراز میں زیارت پر داعش کے حملے کے بعد بیٹھا نہیں رہیگا ، اس کارروائی کا جواب دیا جائیگا۔
واضح رہے شیراز کے نزدیک شیعہ زیارت پر داعش کے حملے میں 15افرادشہید جبکہ متعدد زخمی ہو گئے تھے۔
یہ بھی پڑھیں : ایران میں مزار پر حملہ، 15 افرادجاں بحق
داعش نے شیعہ زیارت پر فائرنگ کی اس کارروائی کی بعد ازاں ذمہ داری قبول کر لی تھی اور دعوی کیا تھا اس کارروائی میں 20افراد جاں بحق ہوئے تھے۔
ایرانی حکام کا کہنا ہے انہوں نے شاہ چراغ کی زیارت پر فائرنگ کرنیوالے فرد کو گرفتار کر لیا ہے۔ اس کا تعلق تکفیری دہشت گرد گروپ سے ہے۔
خیال رہے ایران میں عام طور پر داعش کیلئے تکفیری گروپ کا لفظ استعمال کیا جاتا ہے۔
۔۔۔ دشمن ایران کو کثیر الجہت انداز میں غیر محفوظ بنانے کا خواہاں
ایرانی وزیر خارجہ حسین امیر عبداللہیان نے اس بارے میں بات کرتے ہوئے کہایقینا ہم اس کی اجازت نہیں دیں گے کہ کوئی ایران کی سلامتی سے کھیلے ،
چاہے وہ دہشت گردی کی آڑ میں ہو یا انسانی حقوق کے لبادے میں سازش ہو۔
ایران کے سرکاری میڈیا کے توسط سے سامنے آنیوالے وزیر خارجہ کے اس بیان میں کہا گیا ہے
کہ ہمارے پاس قابل اعتماد ذرائع سے اطلاعات ہیں کہ دشمن ایران کو کثیر الجہت انداز میں غیر محفوظ بنانے
کی کوشش کرنا چاہتے ہیں۔
ایران ایسے دہشت گردوں کے بارے میں بہت واضح ہے۔
یاد رہے داعش پہلے بھی ایران کو نشانہ بناتی رہی ہے۔
2017میں داعش نے دو حملے کے تھے، جن کا ہدف ایرانی پارلیمنٹ اور آیت اللہ خمینی کا مزار تھا۔
اب اس کے تازہ حملے سے بھی ایران پر دباو بڑھے گا،کیونکہ بائیس سالہ کرد ایرانی مہسا امینی
کی پولیس حراست میں ہونیوالی ہلاکت کے بعد ایران میں بدترین مظاہرے دیکھنے میں آرہے ہیں۔
اب تک اڑھائی سو کے قریب افراد ان مظاہروں میں مارے جا چکے ہیں،
ہزاروں شہری گرفتار کیے جا چکے ہیں۔
داعش یا کسی اور کو اپنی
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
