پنجاب اسمبلی کا اجلاس، حمزہ شہباز صوبے کے 21 ویں وزیراعلیٰ منتخب
لاہور (جے ٹی این پی کے) حمزہ شہباز 21 ویں وزیراعلیٰ منتخب
وزیراعلیٰ کے انتخاب کے لئے ہنگامہ آرائی کے بعد پنجاب اسمبلی کا اجلاس
دوبارہ شروع ہوا، ووٹنگ کے عمل کے بعد پاکستان مسلم لیگ (ن) کے حمزہ
شہباز 197 ووٹ لیکر صوبے کے 21ویں وزیراعلیٰ منتخب ہوگئے ہیں جبکہ
چودھری پرویز الٰہی کو کوئی ووٹ نہیں ملا۔
ڈپٹی اسپیکر دوست مزاری نے اجلاس کی صدارت کی
خیال رہے کہ ڈپٹی اسپیکر دوست مزاری پر تشدد اور ارکان اسمبلی کو گرفتار
کرنے کے بعد پنجاب اسمبلی کے اجلاس میں تعطل آگیا تھا جس کے بعد اجلاس
دوبارہ شروع کیا گیا۔ڈپٹی اسپیکر دوست مزاری نے اجلاس کی صدارت کی،
اجلاس کے شروع ہوتے ہی ایوان میں نعرے بازی کی گئی، سیٹی بجائی گئیں
اور شور شرابہ کیا گیا جبکہ پی ٹی آئی اور ق لیگ کے ارکان نے اجلاس کا
بائیکاٹ کیا،
حکومتی اراکین کی جانب سے غدار ہے غدار ہے کے نعرے لگائےگئے
ایوان میں حکومتی اراکین کی جانب سے غدار ہے غدار ہے کے نعرے لگائے
گئے۔ڈپٹی اسپیکر دوست مزاری نے اجلاس شروع کراتے ہوئے کہا کہ ایوان کے
دروازے بند کردیئے جائیں۔پنجاب اسمبلی کے اجلاس میں ووٹنگ کی گئی، ڈپٹی
اسپیکر دوست مزاری نے تمام کارروائی اپنے ڈائس پر آنے کے بجائے ووٹرز
گیلری میں بیٹھ کر کی، حکومتی اتحادی پارٹیوں کی طرف سے اجلاس کا بائیکاٹ
کرنے کے بعد ووٹنگ میں صرف اپوزیشن کی اتحادی جماعتوں نے حصہ لیا۔
حمزہ شہباز 21 ویں وزیراعلیٰ منتخب
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
یہ بھی پڑھیں : آئی ایم ایف سے جان خلاصی ، حکومت کا عوام سے رجوع کا فیصلہ
