جمہوریہ ترکیہ میں تاریخ رقم، اردوان تیسری مرتبہ صدر منتخب
انقرہ: جمہوریہ ترکیہ میں تاریخ رقم، اردوان
اسلامی جمہوریہ ترکیہ میں صدارتی انتخابات کے دوسرے مرحلے (رن آف الیکشن ) میں رجب طیب اردوان 54.47 فیصد ووٹ حاصل کر کے ترکیہ کے تیسری بار صدر منتخب ہو گئے ہیں، جبکہ اپوزیشن کے امیدوار کمال کلیچ دار اوغلو کو 45.53 فیصد ووٹ ملے۔ ترکیہ الیکشن حکام کی جانب سے طیب اردوان کی جیت کے اعلان کے بعد طیب اردوان کے ہزاروں سپورٹرز سڑکوں پر نکل آئے اور جشن منانا شروع کر دیا۔
پڑھیں : ترکیہ صدارتی الیکشن، اردوان یا اگلو، عوام کا امتحان، صورتحال دلچسپ
میڈیا رپورٹس کے مطابق ترکیہ کی سپریم الیکشن کونسل ( YSK ) کے چیئرمین احمت ینیر نے
دارالحکومت انقرہ میں صحافیوں کو ووٹوں کی گنتی کے سرکاری نتائج سے آگاہ کیا،64.1 ملین
سے زیادہ ترک شہریوں نے ووٹ ڈالنے کیلئے اندراج کیا تھا جن میں 1.92 ملین سے زائد ایسے
شہری تھے جنہوں نے بیرون ملک پولنگ اسٹیشنوں سے حق رائے دہی استعمال کیا۔ ملک بھر میں
ووٹرز کے لیے 192,000 بیلٹ بکس کا انتظام کیا گیا تھا، واضح رہے کہ 14مئی کو ووٹنگ کے
پہلے راونڈ میں کسی بھی امیدوار نے مطلوبہ 50 فیصد ووٹ حاصل نہیں کیے تھے جس پر اتوار
کے روز ووٹنگ کا عمل دوبارہ شروع کیا گیا، تاہم 14 مئی کی ووٹنگ میں اردوان نے 49.52
فیصد کیساتھ برتری حاصل کی تھی۔
پیارے بھائی رجب طیب اردوان تاریخی انتخاب میں فتح مبارک، شہباز شریف
وزیر اعظم پاکستان شہباز شریف نے ترکیہ کے صدارتی انتخابات میں دوبارہ منتخب ہونے پر اپنے
ٹوئٹ میں صدر اردوان کو مینشن کرتے ہوئے لکھا کہ پیارے بھائی رجب طیب اردوان کو ایک بار
پھر جمہوریہ ترکیہ کے صدر کا تاریخی انتخاب جیتنے پر دل کی گہرائیوں سے مبارکباد پیش کرتا
ہوں۔ انہوں نے لکھا کہ ان کا شمار چند ایسے عالمی رہنماﺅں میں ہوتا ہے جن کی سیاست کی بنیاد
عوام کی خدمت ہے، رجب طیب اردوان مظلوم مسلمانوں کی طاقت اور انکے حقوق کی ایک مضبوط
آواز ہیں۔ وزیر اعظم نے مزید لکھا کہ صدارتی انتخاب میں ان کی فتح اور پارلیمانی انتخابات میں
ان کی پارٹی کی کامیابی کئی طرح سے اہمیت کی حامل ہیں اور ان کی لیڈرشپ پر ترکیہ کے عوام
کے اعتماد اور یقین کو ظاہر کرتی ہے۔ ترکیہ اور پاکستان کے باہمی تعلقات مزید آگے بڑھیں گے،
میں ان کے ساتھ اپنی اسٹریٹجک پارٹنر شپ کو مزید گہرا اور دونوں اقوام کے بھائی چارے کو مزید
تقویت دینے کا منتظر ہوں۔ دوسری طرف امریکہ، آذربائیجان کے صدور، قطر کے امیر، ہنگری
اور لیبیا کے وزیراعظم نے بھی ترکیہ کے صدر کو کامیابی پر مبارک باد دی۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
جمہوریہ ترکیہ میں تاریخ رقم، اردوان ، جمہوریہ ترکیہ میں تاریخ رقم، اردوان ، جمہوریہ ترکیہ میں تاریخ رقم، اردوان
= پڑھیں = دنیا بھر سے مزید تازہ ترین اور اہم خبریں
About Author
