جمائما کی سیلاب زدگان کی امداد کیلئے الخدمت کو عطیات دینے کی اپیل
جتن نیوز / جمائما کی سیلاب زدگان کی امداد
سابق وزیراعظم اور پاکستان تحریک انصاف کے چیئر مین عمران خان کی سابق اہلیہ جمائما گولڈ اسمتھ نے سیلاب زدگان کی امداد کیلئے الخدمت کو عطیات دینے کی اپیل کی ہے۔
الخدمت سیلاب سے متاثرہ تمام علاقوں میں ریسکیو اور ریلیف کے کام کر رہی ہے، جمائما گولڈ اسمتھ
پاکستان میں بارشوں اور سیلاب کے باعث بڑے پیمانے پر جانی و مالی نقصان ہوا ہے،
ساڑھے 1100 سے زائد افراد سیلابی ریلوں کی نذر ہو گئے اور لاکھوں افراد بے گھر ہو گئے ہیں،
10 لاکھ کے قریب مویشی ہلاک ہوگئے جبکہ لاکھوں ایکڑ پر کھڑی فصلیں تباہ ہو گئیں۔
حکومت پاکستان اور بین الاقوامی اداروں کے ساتھ ساتھ دوست ممالک اور نجی و غیر ملکی فلاحی ادارے بھی سیلاب
زدگان کی مدد اور اپیل کررہے ہیں ۔
چیئرمین پاکستان تحریک انصاف عمران خان کی سابق اہلیہ جمائما گولڈ اسمتھ نے بھی پاکستانی کے سیلاب زدگان کی مدد
کے لیے سوشل میڈیا پر اپیل کی ہے۔
جمائما نے ٹوئٹر پر جاری بیان میں لکھا کہ سیلاب زدگان کی امداد کے لیے الخدمت کو عطیات دیں،
الخدمت سیلاب سے متاثرہ تمام علاقوں میں ریسکیو اور ریلیف کے کام کر رہی ہے۔
عمران خان کی سابق اہلیہ نے الخدمت کا لنک شیئر کیا اور ساتھ فلاحی ادارے کا بینک اکاؤنٹ نمبر بھی شیئر کیا۔
اس کے علاوہ جمائما گولڈ اسمتھ نے سیلاب زدگان کو عطیات دینے کےلئے خیبرپختونخواہ اور پنجاب حکومت کے ریلیف فنڈ کے اکاو ¿نٹ نمبرز بھی شیئر کیے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں، مزید بہتری کیلئے اپنی قیمتی آرا سے بھی ضرور نوازیں،شکریہ جتن نیوز اردو انتظامیہ
= پڑھیں = دنیا بھر سے مزید تازہ ترین اور اہم خبریں
About Author
