تیسرے ٹیسٹ میچ میں پاکستان کو شکست ، سیریز آسٹریلیاکے نام

لاہور (جے ٹی این پی کے) تیسرے ٹیسٹ میں پاکستان کو شکست

آسٹریلیا نے پاکستان کو تیسرے اور آخری ٹیسٹ میچ میں 115 رنز سے شکست دے کر سیریز 0-1 سے اپنے نام کرلی۔

ٹیسٹ میچ کے پانچویں دن پاکستان نے اپنی دوسری نامکمل اننگز 73 رنز بغیر کسی نقصان کے دوبارہ شروع کی۔

عبداللہ شفیق گزشتہ روز کے انفرادی اسکور میں کوئی اضافہ کیے بغیر ہی 27رنز بنا کر چلتے بنے۔

اس کے بعد امام الحق کا ساتھ دینے تجربہ کار اظہر علی آئے

اور دونوں نے دوسری وکٹ کے لیے سنبھل کر بیٹنگ کرتے ہوئے اسکور کو 105 تک پہنچا دیا۔

اسی مرحلے پر نیتھن لائن کو سو ئپ شاٹ کھیلنے کی کوشش میں اظہر علی وکٹ گنوا بیٹھے،

امپائر نے اظہر علی کو آؤٹ قرار نہیں دیا لیکن آسٹریلیا نے ریویو لیا ۔

جس پراظہر علی کو کیچ آؤٹ قرار دیا گیا۔

اور دونوں نے کھانے کے وقفے تک مزید کوئی وکٹ نہ گرنے دی۔

کھانے کے وقفے کے بعد پاکستان کو فوراً ہی تیسرا نقصان اٹھانا پڑا ۔

جب امام الحق 70 رنز بنانے کے بعد لائن کو وکٹ دے کر پویلین لوٹ گئے۔

فواد عالم اور بابر نے اسکور کو 165 تک پہنچایا ہی تھا کہ پیٹ کمنز نے بلے باز کی اننگز کا خاتمہ کردیا۔

جبکہ آسٹریلین کپتان کے اگلے اوور میں محمد رضوان 0 پر ہی پویلین لوٹ گئے۔

آدھی ٹیم کے پویلین لوٹنے کے بعد بابر اعظم کا ساتھ دینے کے لیے ساجد خان کریز پر آئے

لیکن دوسری جانب کپتان اہم موقع پر طویل اننگز کھیلنے میں ناکام رہے

اور نصف سنچری اسکور کرنے کے بعد 55 رنز بنا کر کیچ آؤٹ ہوگئے۔

اگلے ہی اوور میں ساجد خان بھی مچل اسٹارک کی گیند پر عثمان خواجہ کو کیچ دے بیٹھے،

اس وقت ٹیم کا اسکور 213 رنز تھا۔

اس کے بعد مہمان ٹیم کی جیت کے امکانات روشن ہوتے چلے گئے

اور آخری تین بیٹر بھی مجموعی اسکور میں محض 22 رنز کا اضافہ کرنے کے بعد آؤٹ ہوگئی۔

یوں پاکستان کی پوری ٹیم 235 رنز بنا کر ڈھیر ہوگئی ۔

آسٹریلیا نے آخری ٹیسٹ میچ میں 115 رنز سے فتح حاصل کرکے سیریز 0-1 سے اپنے نام کرلی۔

تیسرے ٹیسٹ میں پاکستان کو شکست