تولیدی علاج کے بعد امریکی نوزائیدہ بچوں کی اموات میں نسلی فرق کا انکشاف
نیویارک: (جے ٹی این پی کے) تولیدی علاج کے بعد امریکی نوزائیدہ
امریکی جریدے یوایس نیوزاینڈ ورلڈ رپورٹ نے امریکہ میں پیدائش کے بارے میں ایک رپورٹ کا حوالہ دیتے ہوئے بتایا ہے کہ تولیدی علاج کی ادویات میں سیاہ اور سفید فام کی تفریق پائی گئی ہے جس کے اثرات امریکی بچوں کی زندگی اور اموات میں نظر آتے ہیں۔
رپورٹ میں بتایا گیا ہے کہ محققین کے مطا بق اس طرح کا علاج کرانے والی سیاہ فام خواتین کے ہاں پیدا ہونیوالے نوزائیدہ بچوں کی اموات کی شرح سفید فام خواتین کے مقابلے میں زیادہ ہے، یہ فرق اس علاج کے بغیر پیدا ہونیوالے بچوں کی نسبت بہت زیادہ ہے۔
یہ بھی پڑھیں : باقاعدگی سے قیلولہ کرنا بلند فشار خون اور فالج کا سبب بن سکتا ہے، تحقیق
رپورٹ کے مطابق امریکہ میں نوزائیدہ بچوں کی اموات شاذ و نادرہی ہوتی ہیں اور ان خراب نتائج
کی وجوہات واضح نہیں ہیں۔
محققین نے عمر، ذیابیطس، موٹاپا، سگریٹ نوشی اور زچگی میں خطرات کے دیگر عوامل کو
ایڈجسٹ کرنے کے بعد نسلی فرق کا مشاہدہ کیا ۔
تحقیق میں بتایا گیا ہے کہ آئی وی ایف (ان وٹرو فرٹیلائزیشن)کی بھاری قیمت اور انشورنس کے
دائرہ کار میں کمی کا مطلب ہے تولیدی علاج کی سہولت سے استفادہ کرنیوالی خواتین نسبتا زیادہ دولتمند ہیں۔
رپورٹ میں مزید بتایا گیا ہے کہ جریدے پیڈیاٹرکس میں شائع یہ تحقیق آئی وی ایف،
تولیدی ادویات اور دیگرعلاج کرانیوالی خواتین میں نسلی فرق پر اب تک کی سب سے وسیع تر تحقیق ہے۔
تولیدی علاج کے بعد امریکی نوزائیدہ
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
