بھارت، گاڑیوں میں ایئر بیگ لازمی قرار دے دیا گیا
نئی دہلی (جے ٹی این پی کے) بھارت گاڑیوں میں ایئر بیگ لازمی
کار میں مسافروں کی حفاظت کو مدنظر رکھتے ہوئے مودی حکومت نے ائیر بیگس کو لازمی قرار دے دیا ہے۔
غیرملکی میڈیا رپورٹ کے مطابق بھارت کے مرکزی وزیر نتن گڈکری نے اعلان کیا کہ کار میں مسافروں کی حفاظت کو مد نظر رکھتے ہوئے حکومت نے 6 ائیر بیگس کو لازمی قرار دیا تھا،
اب اسے ایک سال تک توسیع دیدی ہے۔مودی حکومت کے وزیر نے اعلان کیا کہ یکم اکتوبر دو ہزار تئیس تک تمام کاروں میں 6 ائیر بیگس نصب کئے جائیں گے۔
یہ بھی پڑھیں : باقاعدگی سے قیلولہ کرنا بلند فشار خون اور فالج کا سبب بن سکتا ہے، تحقیق
رپورٹ کے مطابق اس سے قبل یکم اکتوبر دو ہزار بائیس سے ایم ون کٹیگری کے تمام گاڑیوں
میں 6 ائیر بیگس لازمی قرار دئیے جانے کی تجویز تھی،
یہ تجویز بھارت میں ہونے والے سڑک حادثات میں ہونے والی اموات کے بعد سامنے آئیں تھیں۔
واضح رہے کہ گاڑی کی ٹکر کی صورت میں سائڈ / ٹورسو ایئر بیگ موٹر گاڑی کی باڈی
اور اس میں بیٹھے مسافر کے درمیان کشن کا کام کرتے ہیں اور مسافر کو اس کے اثرات سے محفوظ رکھتے ہیں۔
یاد رہے کہ بھارت میں آئے روز ٹریفک حادثات رونما ہوتے رہتے ہیں،
حکومتی اعدادوشمار کے مطابق سنہ 2021 میں ٹریفک حادثوں میں ڈیڑھ لاکھ ہلاکتیں ہوئیں تھیں۔
بھارت گاڑیوں میں ایئر بیگ لازمی
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
