بھارتی فیملی کا 18 ماہ تک کرونا سے مرنیوالے کیساتھ گزار بسر کا انکشاف
کانپور : جے ٹی این پی کے کرونا سپیشل: بھارتی فیملی کا 18 ماہ تک
بھارت میں ایک ایسے خاندان سے متعلق انکشاف ہوا ہے جس نے کرونا وائرس سے مرنیوالے شخص کی لاش کو ڈیڑھ سال تک اس امید پر گھر میں ہی رکھا کہ وہ زندہ ہے اور کسی بھی وقت آٹھ کر بیٹھ سکتا ہے، اہل خانہ نے اسی آس پر اس کی آخری رسومات بھی ادا نہیں کیں۔
انڈین میڈیا رپورٹ کے مطابق کمشنریٹ پولیس نے جمعہ کو کرشنا پوری میں
ایک گھر سے 35 سالہ انکم ٹیکس اہلکار وملیش کی لاش برآمد کی،
جس کی موت تقریبا 18 ماہ قبل کرونا وائرس سے ہوئی تھی،
ہسپتال نے اہلخانہ کو وملیش کی موت کا سرٹیفکیٹ بھی جاری کیا تھا،
لیکن اس کے اہلخانہ اس امید کیساتھ اس کی لاش کیساتھ رہ رہے تھے کہ وہ مرا نہیں اور ایک دن جی اٹھے گا۔
پڑھیں : کرونا سے ہونیوالی ہر موت کے پیچھے ایک ٹوٹا ہوا خاندان
پولیس کے مطابق وملیش احمد آباد، گجرات میں آئی ٹی ڈیپارٹمنٹ میں ملازم تھا اور رہائش کانپور میں تھی،
وہ 22 اپریل 2021 کو کرونا وائرس کی وجہ سے مر گیا تھا۔
رپورٹس کے مطابق وملیش سنکار کو خاندان والوں نے مقامی ہسپتال میں داخل کروایا،
جہاں وہ تیسرے روز چل بسا، لیکن لواحقین اسے مردہ ماننے کو تیار نہ تھے۔
اور بجائے اس کے وہ اس کی آخری رسومات ادا کرتے، مردہ جسم کو گھر لے گئے اور اس کی دیکھ بھال کرتے رہے کہ وہ کسی بھی وقت اٹھ بیٹھے گا۔
چند روز قبل جب اس کے دفتر والوں نے یہ جاننے کیلئے کہ مذکورہ بالا شخص کافی
عرصے سے غیر حاضر ہے اس کی تلاش شروع کی تو انھیں اس کے گھر سے اس
کی حنوط شدہ لاش مل گئی۔
یہ بھی پڑھیں : منٹوں میں درست نتائج والا نیا معتبر کرونا ٹیسٹ تیار
لواحقین نے وملیش کی موت کے بعد متعدد کلینکس اور ہسپتالوں میں اسے لے جا کر رائے لی،
لیکن ہر جگہ سے موت ہی کی تصدیق کی گئی۔
جس پر وہ لاش گھر لے آئے اور آکسیجن سلنڈر لگا کر محلے والوں کو بتایا یہ کومہ میں ہے۔
ڈیڑھ برس تک اس کی بیوی، والدین، بہن بھائی اور دیگر افراد گھر میں لاش کے ساتھ رہے،
اس دوران وہ اس کا روز لباس تبدیل کرتے اور ڈیٹول اور دیگر ڈس انفیکٹنٹ سے مردہ جسم کو صاف کرتے رہے،
جبکہ ایئرکنڈیشن کو 24 گھنٹے چلاتے رہے،
لیکن اس سب کچھ کے باوجود لاش خراب ہونا شروع ہو گئی تھی۔
پولیس حکام کے مطابق لاش تحویل میں لے کر اس کی آخری رسومات ادا کر دی گئی ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
بھارتی فیملی کا 18 ماہ تک ، بھارتی فیملی کا 18 ماہ تک ، بھارتی فیملی کا 18 ماہ تک
