برطانوی شاہی تاج سینٹ ایڈورڈ کراون کی تاریخی اہمیت
لندن: جے ٹی این پی کے نیوز: برطانوی شاہی تاج سینٹ ایڈورڈ کراون
برطانیہ کے بادشاہ چارلس سوئم کی تاج پوشی کے لیے شاہی خاندان کے جواہرات میں سب سے اہم اور منفرد حیثیت کا حامل سترہویں صدی کا سینٹ ایڈورڈ کراون ردّ و بدل کرنے کا فیصلہ کر لیا گیا۔
سکول کی طالبہ کا شاہ چارلس سوئم سے دلچسپ سوال
میڈیا رپورٹس کے مطابق بکنگھم محل نے کہا ہے کہ آئندہ سال
6 مئی کو شاہ چارلس سوئم کی تاج پوشی کی تقریب کیلئے تاج میں
رد و بدل کیا جائے گا۔ ٹھوس سونے سے بنا تاج قیمتی پتھر یاقوت،
ایمےتھیسٹ، نیلم، گارنیٹ، پکھراج اور ٹرملین میں جڑا ہواہے۔
سینٹ ایڈورڈ کے تاج سمیت شاہی خاندان کی جواہرات کی انمول
کلیکشن ٹاور آف لندن میں رکھی گئی ہے جسے ہر سال لاکھوں
کی تعداد میں سیاح شوق سے دیکھنے آتے ہیں۔
سینٹ ایڈورڈ کا تاج آخری مرتبہ 1953 میں ہونیوالی تاج پوشی
کی تقریب کے دوران ملکہ الزبتھ دوئم کے سر پر رکھا گیا تھا۔
ملکہ الزبتھ دوم کی 96 سال کی عمر میں وفات کے بعد تخت
سنبھالنے والے چارلس سوئم کو یہ تاج پہنایا جائے گا۔
کنگ چارلس سوم اپنے ہی بیٹے پرنس ولیم کے کرایہ دار
یہ تاج دراصل 11ویں صدی کے بادشاہ سینٹ ایڈورڈ دی کنفیسر
کے تاج کی جگہ پر 1611 میں شاہ چارلس دوئم کے لیے تیار کیا گیا تھا۔
اصلی تاج کو شاہ برطانیہ چارلس اول کی سزائے موت کے بعد آگ میں پگھلا دیا گیا تھا۔
نیا تاج اتنا بھاری تھا کہ کئی صدیوں تک اسے صرف تاج پوشی کی تقریب کے موقع پر ہی پہنا جاتا تھا۔
چارلس جلد عہدہ چھوڑ دینگے، پیشگوئی
بعد ازاں 1911 میں شاہ جارج پنجم کی تاج ہوشی کی تقریب
کیلئے اس میں ترمیم کر کے اسے کچھ ہلکا کیا گیا لیکن ابھی
بھی اس کا وزن 2.23 کلو گرام یعنی تقریباً پانچ پونڈ ہے۔
6 مئی کو لندن کے تاریخی ویسٹ منسٹر ایبے چرچ میں منعقد
ہونے والی تاج پوشی کی تقریب میں چارلس سوئم کو سینٹ ایڈورڈ کا تاج پہنایا جائے گا۔
سروس کے دوران ہی ان کے سر پر امپیریل سٹیٹ کراون بھی رکھا جائے گا۔
امپیریل سٹیٹ کراون 1937 میں ملکہ الزبتھ دوئم کے والد
شاہ جارج ششم کی تاج پوجی کے لیے تیار کیا گیا تھا۔ اس تاج میں دیگر قیمتی پتھروں کے علاوہ دو ہزار سے زائد ہیرے جڑے ہوئے ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
برطانوی شاہی تاج سینٹ ایڈورڈ کراون ، برطانوی شاہی تاج سینٹ ایڈورڈ کراون
= پڑھیں = دنیا بھر سے مزید تازہ ترین اور اہم خبریں
