ایک اور سابق ملازم کا گوگل پر نسلی امتیاز کا الزام، مقدمہ درج
نیویارک(جے ٹی این پی کے) ایک اور سابق ملازم کا گوگل
معروف ٹیکنالوجی کمپنی گوگل کے ایک سابق ملازم نے سیاہ فاموں کے ساتھ
نسلی امتیاز برتنے کا الزام عائد کر کے کیلیفورنیا کی عدالت میں مقدمہ دائر کر
دیا۔
کمپنی سیاہ فام ملازمین کو چھوٹے عہدے دیتی، ترقی میں رکاوٹیں پیدا کرتی ہے
میڈیا رپورٹس کے مطابق سابق ملازم نے کہا ہے کہ انتظامی پالیسی کے تحت
سیاہ فام امیدواروں کو مسترد کرنے کے لیے انٹرویو میں مشکل ترین سوالات
کیے جاتے ہیں۔ سابق ملازم کے مطابق گوگل جان بوجھ کر نسلی امتیاز اور
انتقامی کارروائی کر کے نسل پرستی کو ہوا دینے کی کوشش کر رہا ہے۔ انہوں
نے یہ الزام بھی عائد کیا کہ کمپنی سیاہ فام ملازمین کو چھوٹے عہدے دیتی ہے
اور ان کی ترقی میں رکاوٹیں بھی پیدا کرتی ہے۔ انہوں نے اپنے مقدمے میں دعویٰ
کیا کہ انہیں کمپنی نے 2020ء میں غیر قانونی طور پر برطرف کر دیا جب انہوں
نے سیاہ فام ملازمین کے حق میں آواز بلند کرنا شروع کی۔
گوگل کیخلاف صارفین کی معلومات فروخت کرنے کا مقدمہ پہلے ہی دائر
گزشتہ ماہ بھی گوگل پر ایک مقدمہ دائر کیا گیا تھا، جس میں مبینہ طور پر
صارفین کی لوکیشن کی معلومات دھوکے سے جمع کرنے کے بعد مختلف
کمپنیز کو فروخت کرنے کا الزام تھا۔ گوگل کے خلاف یہ مقدمہ واشنگٹن ڈی
سی سپریم کورٹ میں چار امریکی ریاستوں کے اٹارنی جنرلز کی طرف سے
دائر کیا گیا تھا۔ ان میں ریاست واشنگٹن، ٹیکساس، انڈیانا اور دارالحکومت
واشنگٹن ڈی سی کے سرکاری وکیل شامل تھے۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
مزید بہتری کیلئے اپنی قیمتی آرا سے بھی ضرور نوازیں،شکریہ
جتن نیوز اردو انتظامیہ
ایک اور سابق ملازم کا گوگل ، ایک اور سابق ملازم کا گوگل
= پڑھیں = سائنس اینڈ ٹیکنالوجی سے متعلق مزید اہم خبریں
