حکومت کا ایران,افغانستان سے پیازاور ٹماٹر درآمد کرنے کا فیصلہ
ایران افغانستان سے پیازٹماٹردرآمد
اسلام آباد (جے ٹی این پی کے) سیلاب اور بارشوں کے باعث پیاز اورٹماٹر کی فصل کونقصان
پہنچنے کے بعد پیاز اورٹماٹر درآمد کرنے کی سمری تیار کرلی گئی۔ وفاقی وزیربرائے تجارت
نوید قمر کی زیرصدارت نیشنل فوڈ سکیورٹی کا اجلاس ہوا جس ملک میں پیاز اورٹماٹر کی
دستیابی کا جائزہ لیا گیا۔ ذرائع وزارت نیشنل فوڈ سکیورٹی کے مطابق اجلاس میں ایران اور
افغانستان سے پیاز اورٹماٹر درآمد کرنے کی سمری تیار کرلی گئی۔ سمری منظوری کے
لیے فوری طور پر اقتصادی رابطہ کمیٹی کو بھجوانے کا فیصلہ کیا گیا۔
یہ بھی پڑھیں : بذریعہ صدارتی آرڈیننس منی بجٹ نافذ ، 70 ارب سے زائد نئے ٹیکس عائد
ذرائع کا کہنا ہے کہ ایران اور افغانستان کے ساتھ خصوصی تجارتی انتظامات کے باعث
فارن ایکسچینج پر بہت کم اثر پڑے گا اورمقامی منڈی میں پیاز اور ٹماٹر کی قیمتوں میں
کمی آئے گی۔ قیمتوں میں کمی کے لیے پیاز اور ٹماٹر کی درآمد پر لیویز اور ڈیوٹی ختم
کرنے کی تجویزپر بھی غور کیا گیا۔ سیلاب اور بارشوں کے باعث پیاز اورٹماٹر کی فصل
بری طرح متاثر ہوئی ہے اورآئندہ تین ماہ تک ٹماٹر اور پیاز کی قلت کا سامنا رہے گا۔
دوسری جانب ملک میں پیاز اورٹماٹر کی دستیابی کو یقینی بنانے کے لئے وزارت غذائی
تحفظ کا اجلاس طلب کرلیا گیا۔ وفاقی وزیر نیشنل فوڈ سکیورٹی طارق بشیر چیمہ
اجلاس کی صدارت کریں گے۔
ایران افغانستان سے پیازٹماٹردرآمد
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
About Author
