ایرانی پاسدارانِ انقلاب کے سینئر کمانڈر فائرنگ کے واقعہ میں جاں بحق
تہران(جے ٹی این پی کے) ایرانی پاسدارانِ انقلاب کے سینئر کمانڈر
ایرانی پاسدارانِ انقلاب کے سینئر کمانڈر علی موساوی جاں بحق ہوگئے۔
ایرانی پاسدارانِ انقلاب کے کمانڈر علی موساوی کو ایران کے شہر زاہدان میں گولی مار کر قتل کر دیا گیا ۔
غیرملکی میڈیا رپورٹس کے مطابق علی موساوی زاہدان شہر میں حکومت مخالف احتجاج کے دوران مسلح افراد کی جانب سے فائرنگ کے نتیجے میں سینے میں گولی لگنے سےجاں بحق ہوئے۔
یہ بھی پڑھیں : بذریعہ صدارتی آرڈیننس منی بجٹ نافذ ، 70 ارب سے زائد نئے ٹیکس عائد
قبل ازیں ایرانی سرکاری میڈیا نے اطلاع دی تھی کہ مسلح افراد نے زاہدان میں ایک پولیس اسٹیشن پر فائرنگ کی۔
پاسداران انقلاب سے متصل تسنیم نیوز نے علی موساوی کی ہلاکت کی تصدیق کی ۔
خیال رہے کہ ایران میں پولیس کی زیرحراست مہسا امینی دل کا دورہ پڑنے سے 16ستمبر کو انتقال کرگئی تھیں۔
22سالہ مہسا امینی کو تہران میں اسکارف نہ پہننے پر حراست میں لیا گیا تھا۔
مہسا امینی کی زیرحراست ہلاکت کے خلاف ایران میں 14 روز سے مظاہرے جاری ہیں۔
جس میں تقریبا 76 افراد ہلاک اور سیکڑوں افراد زخمی ہوگئے ہیں۔
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
About Author
