آڈیو لیکس، تحقیقاتی کیمیٹی قائم، لیگل فریم ورک تیار کرنیکی منظوری
اسلام آباد (جے ٹی این پی کے)ٰ آڈیو لیکس تحقیقاتی کیمیٹی قائم
قومی سلامی کمیٹی نے وزیرداخلہ رانا ثنا اللہ کی سربراہی میں آڈیو لیکس کے معاملے پر تحقیقات کیلئے اعلی اختیاراتی کمیٹی کی تشکیل کی منظوری دیدی ہے۔
جبکہ سائیبرسکیورٹی سے متعلق وزارت قانون وانصاف کو’ لیگل فریم ورک‘ کی تیاری کی ہدایت کی گئی ہے ۔
وزیرِ اعظم محمد شہباز شریف کی زیرِ صدارت بد ھ کو نیشنل سیکیورٹی کمیٹی(این ایس سی ) کا اجلاس وزیر اعظم ہائوس میں منعقد ہوا ۔
اجلاس میں وفاقی وزرا کے علاوہ سروسز چیفس، حساس اداروں کے سربراہان اور دیگر اعلی فوجی و سول حکام نے شرکت کی۔
اجلاس نے آڈیو لیکس کے معاملے پر غور کیا۔
یہ بھی پڑھیں : بذریعہ صدارتی آرڈیننس منی بجٹ نافذ ، 70 ارب سے زائد نئے ٹیکس عائد
حساس اداروں کے سربراہان نے اجلاس کو وزیراعظم ہائوس سمیت دیگر اہم مقامات کی سکیورٹی، سائیبرسپیس اور اس سے متعلقہ دیگر پہلوئو ں پر تفصیلی بریفنگ دی۔
اجلاس کو بتایاگیا کہ سوشل میڈیا پر زیرگردش آڈیو ز کے معاملے پر تحقیقات کی جا رہی ہیں۔
وزیراعظم ہائو س کی سکیورٹی سے متعلق بعض پہلووں کی نشاندہی کی گئی اور ان کے تدارک کے لئے فول پروف انتظامات کے بارے میں بتایاگیا۔
اجلاس کو آگاہ کیاگیا کہ وزیراعظم ہائو س سمیت دیگر اہم مقامات، عمارات اور وزارتوں کی
سکیورٹی کو یقینی بنانے کے لئے ہنگامی اقدامات کئے جارہے ہیں تاکہ مستقبل میں اس نوعیت
کی کسی صورتحال سے بچا جاسکے۔
اجلاس نے مشاورت کے بعد سائیبرسکیورٹی سے متعلق’ لیگل فریم ورک‘ کی تیاری کا فیصلہ
کیا اور اس ضمن میں وزارت قانون وانصاف کو’ لیگل فریم ورک‘ کی تیاری کی ہدایت کی۔
اجلاس نے آڈیو لیکس کے معاملے پر تحقیقات کے لئے اعلی اختیاراتی کمیٹی کی تشکیل کی منظوری دی۔
وزیرداخلہ رانا ثناء اللہ اس کمیٹی کے سربراہ ہوںگے۔
اجلاس نے اتفاق کیا کہ جدیدٹیکنالوجی اور سائیبرسپیس کے موجودہ تبدیل شدہ ماحول کے تناظر
اور تقاضوں کو مدنظر رکھتے ہوئے سکیورٹی ، سیفٹی اور سرکاری کمیونیکیشنز کے محفوظ
ہونے کو یقینی بنانے کا جائزہ لیا جائے تاکہ سکیورٹی نظام میں کوئی رخنہ اندازی نہ ڈال سکے۔
قومی سلامتی کمیٹی
آڈیو لیکس تحقیقاتی کیمیٹی قائم
قارئین ===> ہماری کاوش اچھی لگے تو شیئر، اپ ڈیٹ رہنے کیلئے (== فالو == ) کریں،
